Posts

મુંબઈ-વડોદરા હાઈવે પર 250ની ઝડપે જતી કારનો ભયાનક અકસ્માત, યુવક-યુવતીના મોત

Image
Badlapur Car Accident: મહારાષ્ટ્રના બદલાપુરથી એક અત્યંત ચોંકાવનારા અને હૃદયદ્રાવક સમાચાર સામે આવ્યા છે. રવિવારે 21 જૂનના રોજ બર્થડે સેલિબ્રેશન પતાવ્યા બાદ મિત્રો સાથે લોન્ગ ડ્રાઈવ પર નીકળેલા ત્રણ યુવાનોની સફર માત્ર ગણતરીની મિનિટોમાં જ કાળના કોળિયામાં ફેરવાઈ ગઈ હતી. મુંબઈ-વડોદરા હાઈવે પર સ્પીડની મજા સજા બની ગઈ હતી અને અકસ્માત એટલો ભીષણ હતો કે કાર પલટી ખાઈને રોડ પર ઘસડાતી ગઈ હતી, જેના લીધે મૃતકોના અંગો પણ રસ્તા પર દૂર-દૂર સુધી વેરવિખેર થઈ ગયા હતા. જન્મદિવસની ખુશીઓ શોકમાં બદલાઈ મૃતકોની ઓળખ બદલાપુરના રહેવાસી યોગેશ નેગી (26) અને બાંદ્રાની રહેવાસી રેબેકા જેકબ (24) તરીકે થઈ છે.

શાંતિ વાર્તામાં ડખો ! બેઠકમાં ટ્રમ્પે આકરા શબ્દો બોલતા ઈરાને ચાલતી પકડી, કહ્યું- ‘લેબનોન મુદ્દે ઉકેલાયા વગર કોઈ વાત નહીં’

Image
US Iran Peace Talks Collapse : સ્વિટ્ઝરલેન્ડના બર્ગનસ્ટોક ખાતે અમેરિકા અને ઈરાન વચ્ચે ચાલી રહેલી ઉચ્ચ સ્તરીય શાંતિ વાર્તામાં મોટો વળાંક આવ્યો છે અને આ વાટાઘાટો ફરી એકવાર ખોરવાઈ ગઈ છે. તસ્નીમ ન્યૂઝ એજન્સીએ વિશ્વસ્ત સૂત્રોના હવાલાથી દાવો કર્યો છે કે, અમેરિકી પ્રમુખ ડોનાલ્ડ ટ્રમ્પ દ્વારા આપવામાં આવેલી સૈન્ય હુમલાની ધમકીઓના વિરોધમાં ઈરાની પ્રતિનિધિમંડળે રવિવારે વાર્તા અધવચ્ચે જ છોડી દીધી હતી. ટ્રમ્પના કડક વલણ અને લશ્કરી કાર્યવાહીની ધમકી બાદ ઈરાની પક્ષે તેને વાતચીતના માહોલની વિરુદ્ધ ગણાવીને મીટિંગ હોલમાંથી બહાર નીકળી ગયા છે. ઈરાની પ્રતિનિધિમંડળે શું કહ્યું? ઈરાની પ્રતિનિધિમંડળના સભ્ય મેહદી ગોર્બનઝાદેહે સરકારી મીડિયાને જણાવ્યું કે, 'જ્યાં સુધી લેબનાનની સ્થિતિનો ઉકેલ નહીં આવે ત્યાં સુધી અન્ય કોઈ મુદ્દા પર કોઈ વાતચીત થશે નહીં.

અમેરિકા-ઇરાન યુદ્ધને કારણે 1 અબજ બેરલ ક્રૂડ ગાયબ, દુનિયામાં મોટી આર્થિક તબાહીના સંકેત

Image
Hormuz Strait Reopen News: અમેરિકા અને ઈરાન વચ્ચે આ સપ્તાહે થયેલા ઐતિહાસિક શાંતિ કરાર (MoU) બાદ ભલે વૈશ્વિક સ્તરે રાહતનો શ્વાસ લેવાયો હોય અને વ્યૂહાત્મક રીતે મહત્વપૂર્ણ ગણાતી હોર્મુઝની ખાડી ફરી ખોલી દેવામાં આવી હોય, પરંતુ આંતરરાષ્ટ્રીય તેલ બજાર માટે આ રાહત માત્ર ક્ષણિક સાબિત થઈ શકે છે. વાસ્તવિકતા એ છે કે ઊર્જા સંકટ હજુ ટળ્યું નથી અને વૈશ્વિક બજાર માટે ભારે મોડું થઈ ચૂક્યું છે. એનાલિટિક્સ ફર્મ 'કેપ્લર'ના તાજા રિપોર્ટ અનુસાર, પશ્ચિમ એશિયામાં છેલ્લા 4 મહિનાથી તેલ પુરવઠો સંપૂર્ણપણે ઠપ હોવાના કારણે દુનિયાભરના બજારોમાંથી 1.15 અબજ બેરલ કાચું તેલ ગાયબ થઈ ગયું છે. આ ભયંકર અછતે વૈશ્વિક તેલ બજારને એક એવા જોખમી વળાંક પર લાવીને ઊભું રાખ્યું છે જ્યાંથી પરિસ્થિતિ ગમે ત્યારે નિયંત્રણ બહાર જઈ શકે છે.

'40ની ઉંમરે 20 કરતાં વધુ ફ્લેક્સિબલ બનો..', 12મા આંતરરાષ્ટ્રીય યોગ દિવસે PM મોદીએ આપ્યો ફિટનેસ મંત્ર

Image
International Yoga Day 2026 LIVE : આજે સમગ્ર વિશ્વ 12મા આંતરરાષ્ટ્રીય યોગ દિવસના રંગમાં રંગાયું છે. ભારત સહિત વૈશ્વિક સ્તરે 210થી વધુ ભારતીય મિશનોની દેખરેખ હેઠળ આશરે 2500 જેટલા સ્થળો પર ભવ્ય કાર્યક્રમો યોજાઈ રહ્યા છે. આ વર્ષે દેશનો મુખ્ય રાષ્ટ્રીય કાર્યક્રમ પશ્ચિમ બંગાળની રાજધાની કોલકાતાના ઐતિહાસિક રેડ રોડ પર આયોજિત કરાયો છે, જ્યાં વડાપ્રધાન નરેન્દ્ર મોદીએ હજારો યોગપ્રેમીઓ સાથે સામૂહિક યોગાભ્યાસ (Common Yoga Protocol) નું નેતૃત્વ કર્યું છે. આ વર્ષની વિશેષ થીમ 'યોગા ફોર હેલ્ધી એજિંગ' (healthy aging - સ્વસ્થ વૃદ્ધાવસ્થા માટે યોગ) રાખવામાં આવી છે, જે શારીરિક અને માનસિક સુખાકારી માટે યોગના મહત્વને ઉજાગર કરે છે.

‘ઈરાન ખતમ થઈ ગયું છે, તેને કોઈ નાણાં નહીં મળે’, તેહરાન સાથે ડીલ મામલે ટ્રમ્પનું નિવેદન

Image
Donald Trump On Tehran: તેહરાન સાથે ડીલ મામલે યુએસ પ્રમુખ ડોનાલ્ડ ટ્રમ્પનું નિવેદન સામે આવ્યું છે. ટ્રમ્પે જાહેર કર્યું કે, ઈરાન ખતમ થઈ ગયું છે અને વચન આપ્યું હતું કે તેહરાનને યુનાઇટેડ સ્ટેટ્સ તરફથી નાણાં મળશે નહીં. તેમણે દાવો કર્યો હતો કે, યુદ્ધે દેશની લશ્કરી ક્ષમતાઓનો નાશ કર્યો છે અને તેને હવાઈ દળ, નૌકાદળ અથવા મહત્ત્વપૂર્ણ ડિફેન્સ સિસ્ટમ વિના છોડી દીધું છે. તેહરાન સાથે ડીલ મામલે ટ્રમ્પનું નિવેદન ટ્રુથ સોશિયલ પરની ઘણી પોસ્ટ્સમાં ટ્રમ્પે રાજકીય વિરોધીઓની ટીકાને ફગાવી દેતા કહ્યું હતું કે, 'યુદ્ધથી ઈરાનની લશ્કરી શક્તિમાં નોંધપાત્ર ઘટાડો થયો છે.

‘હું પદ છોડવા તૈયાર’ પાર્ટીમાં તૂટ બાદ ઉદ્ધવની જાહેરાત, કોંગ્રેસમાં વિલય અંગે પણ આપ્યું નિવેદન

Image
Maharashtra Political Controversy : શિવસેનાની સ્થાપનાને 60 વર્ષ પૂર્ણ થવાના અવસરે ઉદ્ધવ ઠાકરે મોટું નિવેદન આપ્યું છે. તેમણે ભાવુક અંદાજમાં કાર્યકર્તાઓને કહ્યું કે, 'જો પાર્ટી કાર્યકર્તાઓ અને નેતાઓને લાગે કે હું શિવસેના પ્રમુખ પદ માટે યોગ્ય નથી, તો હું આજે જ પદ છોડવા તૈયાર છું. હું કોઈપણ લાયક વ્યક્તિને શિવસેનાના અધ્યક્ષ બનાવવા તૈયાર છું. હું પડકારોથી પીછેહઠ કરવાનો નથી, પરંતુ જે દિવસે શિવસેનિકોને લાગશે તે દિવસે હું હટી જઈશ.’ ગદ્દારોએ પૈસા લઈને પક્ષપલટો કર્યો : ઉદ્ધવ ઠાકરે

'ટ્રમ્પે દરેક પ્રકારના પૈંતરા અપનાવી લીધા...', અમેરિકા સાથેની ડીલ અંગે મોજતબા ખામેનેઈનું મોટું નિવેદન

Image
Iran and USA News : અમેરિકા અને ઇરાન વચ્ચે યુદ્ધ ખતમ કરવાની સમજૂતી પર અમેરિકન પ્રમુખ ડોનાલ્ડ ટ્રમ્પે હસ્તાક્ષર કરી દીધા છે. ઈરાનના પ્રમુખ મસૂદ પેઝેશ્કિયાને પણ આ ડીલ પર સહી કરી છે. આ સમગ્ર ઘટનાક્રમ અંગે હવે ઈરાનના સુપ્રીમ લીડર મોજતબા ખામેનેઈની પ્રથમ પ્રતિક્રિયા સામે આવી છે.  શું કહ્યું ખામેનેઈએ?  મોજતબા ખામેનેઈએ કહ્યું કે અમેરિકા સાથે થયેલા MoU અંગે મારા મનમાં અમુક વાંધા અને શંકા હતી પણ તેમ છતાં મેં આ ડીલને મંજૂરી આપી દીધી.