EXAM PREPARATION

- રાતા સમુદ્રમાં ઓઇલ ટેન્કરને ઉડાવતો વિડિયો જારી -  જો ઓઇલ લીક થઇ સમુદ્રમાં ભળશે તો એક મોટી પર્યાવરણીય આફત ઉભી થશે યમન : રાતા સમુદ્રમાં ૧૦ લાખ બેરલ ઓઇલ લઇને ગ્રીક ધ્વજ સાથે પસાર થઇ રહેલાં જહાજને હૂથી બળવાખોરોએ દારૂગોળાથી ઉડાવી દીધું હતું. આ અંગેનો વિડિયો પણ જારી કરવામાં આવ્યો હતો જેમાં હૂથી બળવાખોરો ઓઇલ ટેન્કરસોનિયન પર ચડીને વિસ્ફોટક વડે તેને ઉડાવતાં જોવા મળે છે. આ હુમલો આ મહિનાની શરૂઆતમાં કરાયો હતો. અમેરિકા પણ આ હુમલો જોઇને કાંપી ઉઠયું હતું.  આ જહાજમાંથી મોટાપાયે ઓઇલ દરિયામાં લીક થવાની ચિંતા આંતરરાષ્ટ્રીય સ્તરે વ્યક્ત કરાઇ રહી છે. જો ઓઇલ લીક થઇ દરિયામાં ભળશે તો એક મોટી પર્યાવરણીય આફત ઉભી થશે. જેના કારણે આ વિસ્તારમાં આવનજાવન કરવી પણ અશક્ય બની જશે.  હૂથી બળવાખોરોના પ્રવક્તા યાહ્યા સારીએ જણાવ્યું હતું કે સોનિયન એક એવી કંપનીનું જહાજ છે જેણે રાતા સમુદ્રમાં ઇઝરાયેલ જતાં જહાજો સામે યમની જૂથ દ્વારા જાહેર કરાયેલી નાકાબંધીનું ઉલ્લંઘન કર્યું હતું. હૂથી બળવાખોરો સતત ઇઝરાયેલી જહાજો સામે હુમલાઓ કરી રહ્યા છે. તેઓ ગાઝામાં ઇઝરાયેલ દ્વારા કરવામાં આવી રહેલી લડાઇને ખતમ કરવા દબાણ કરવા માટે આ હુમલાઓ ક

- ઓગસ્ટમાં દેશમાં સામાન્ય કરતા 16 ટકા વધુ વરસાદ પડયો - હિમાચલમાં વરસાદી તારાજીથી 1265 કરોડનું નુકસાન, રાજ્યમાં 70 થી વધુ રોડ બંધ કરવા પડયા : હિમાચલમાં કુલ 150 મોત - આંધ્રમાં વરસાદની ઘટનાઓમાં સાતનાં મોત - ઓડિશા, હિમાચલ સહિતના રાજ્યોમાં અતિ ભારે વરસાદની આગાહીથી ઓરેન્જ એલર્ટ અપાયું નવી દિલ્હી : ઓગસ્ટ મહિનામાં પડેલા વરસાદે ૨૩ વર્ષનો રેકોર્ડ તોડી નાખ્યો હતો, હવામાન વિભાગના રિપોર્ટ મુજબ આ ઓગસ્ટ મહિનામાં ભારતમાં સામાન્ય કરતા ૧૬ ટકા વધુ વરસાદ પડયો હતો. ઉત્તર પશ્ચિમ ભારતમાં ૨૫૩.૯ મિમી વરસાદ પડયો હતો, જે વર્ષ ૨૦૦૧ બાદ ઓગસ્ટ મહિનાનો સૌથી વધુ વરસાદ માનવામાં આવે છે. જોકે કેટલાક રાજ્યોમાં સામાન્ય કરતા ઓછો વરસાદ પણ નોંધાયો છે. ઓગસ્ટમાં દેશનું સરેરાશ લઘુતમ તાપમાન ૨૪.૨૯ ડિગ્રી સેલ્સિયસ નોંધાયું હતું. જે ૧૯૦૧ બાદ સૌથી વધુ માનવામાં આવે છે. હવે સપ્ટેમ્બર મહિનામાં પણ સામાન્ય કરતા વધુ વરસાદ પડવાની શક્યતાઓ છે. આ પહેલા હવામાન વિભાગે અનુમાન લગાવ્યું હતું કે ઓગસ્ટમાં વરસાદ સામાન્ય એટલે કે ૯૪થી ૧૦૬ ટકાની વચ્ચે રહેશે. જોકે ૧૫ ટકા વધુ વરસાદ પડયો છે. હવામાન વિભાગે જણાવ્યું હતું કે ઓગસ્ટમાં ૨૮૪.૧ મીમી વરસાદ પડ

Heavy Rain In India, IMD : ઑગસ્ટ મહિનામાં ભારેથી અતિભારે વરસાદને લઈને દેશભરમાં મેઘતાંડવના દૃશ્યો જોવા મળ્યા છે. ગુજરાત સહિત કેટલાક રાજ્યોમાં ધોધમાર વરસાદને પગલે પૂરની સ્થિતિ નિર્માણ પામી હતી. આ સાથે અતિભારે વરસાદને કારણે તારાજીના દૃશ્યો સર્જાયા હતા. હવામાન વિભાગ દ્વારા આગામી મહિનામાં ગુજરાત સહિત સાત રાજ્યોમાં ભારેથી અતિભારે વરસાદને લઈને ઍલર્ટ જાહેર કરવામાં આવ્યું છે. બીજી તરફ, ગુજરાત હવામાન વિભાગ દ્વારા રાજ્યમાં આગામી 5 સપ્ટેમ્બર સુધી ભારેથી અતિભારે વરસાદની આગાહી કરવામાં આવી છે.  આ પણ વાંચો :  વાવાઝોડું ફંટાયું પણ હજુ મેઘરાજા કરશે તાંડવ, ગુજરાતમાં આ તારીખે ફરી સક્રિય થશે વરસાદી સિસ્ટમ ઉત્તર-પશ્ચિમ ભારતના વિસ્તારોમાં ધોધમાર વરસાદની આગાહી ગુજરાત સહિત દેશભરમાં સપ્ટેમ્બરમાં ભારેથી અતિભારે વરસાદની સંભાવના વ્યક્ત કરવામાં આવી છે. જેમાં ઉત્તર-પશ્ચિમ ભારત અને તેની આસપાસના વિસ્તારોમાં અતિભારે વરસાદની સંભાવના દર્શાવવામાં આવી છે. પ્રેસ કોન્ફરન્સને સંબોધતી વખતે IMDના ડાયરેક્ટર જનરલ મૃત્યુંજય મહાપાત્રાએ જણાવ્યું હતું કે, 'દેશમાં સપ્ટેમ્બરમાં સામાન્ય કરતાં વધુ વરસાદ થવાની શક્યતા છે, જેમા

Jammu and Kashmir Assembly Election 2024 : જેમ જેમ વિધાનસભાની ચૂંટણીઓ નજીક આવી રહી છે, તેમ તેમ ભાજપ સામે અનેક પડકારો ઉભા થઈ રહ્યા છે. ભાજપ એકતરફ મહારાષ્ટ્રમાં અનેક પડકારોનો સામનો કરી રહ્યો છે, તો બીજીતરફ જમ્મુ-કાશ્મીરની વિધાનસભા ચૂંટણીમાં ટિકિટ વહેંચણી મુદ્દે ભાજપમાં જ આંતરીક ડખા ઉભા થવાના અહેવાલો સામે આવ્યા છે. ટિકિટ વહેંચણી મુદ્દે ભાજપમાં બળવો મળતા અહેવાલો મુજબ જમ્મુ-કાશ્મીર વિધાનસભા ચૂંટણી માટે ટિકિટ વહેંચણી મુદ્દે ભાજપમાં વધુ એક નેતાઓ બળવો કર્યો છે. પાર્ટીના વરિષ્ઠ નેતા ચંદ્રમોહન શર્મા (Chandra Mohan Sharma)એ શુક્રવારો પાર્ટીમાંથી રાજીનામું આપવાની જાહેરાત કરી છે. આ સાથે તેમણે અપક્ષ ઉમેદવાર તરીકે લડવાની ભાજપને ધમકી પણ આપી છે. તેમણે પત્રકારો સાથેની વાતચીતમાં કહ્યું કે, ‘ભાજપ દ્વારા અયોગ્ય રીતે ટિકિટ વહેંચણી કરાતી હોવાથી પાર્ટીના નેતાઓ અને કાર્યક્રતાઓમાં ગુસ્સો અને અસંતોષ ફેલાયો છે. તેઓ પોતાનો અસંતોષ વ્યક્ત કરવા માટે વિરોધ-પ્રદર્શન કરી રહ્યા છે.’ આ પણ વાંચો : NDAમાં ભયંકર વિખવાદ: શિંદેના નેતાએ કહ્યું- અજીત પવારની બાજુમાં બેસું તો ઊલટી આવે છે ‘જમ્મુ પૂર્વમાં ઉમેદવાર બદલે તો ઠીક છ

RG Kar Medical College Case : કોલકાતાની આર જી કર મેડિકલ કૉલેજ અને હૉસ્પિટલના પૂર્વ પ્રિન્સિપાલ સંદીપ ઘોષ વિરુદ્ધ ભ્રષ્ટાચારનો પર્દાફાશ કરનાર અખ્તર અલીએ ચોંકાવનારા ખુલાસા કર્યા છે. તેનું કહેવું છે કે, 'સંદીપ ઘોષ બાંગ્લાદેશમાં બાયોમેડિકલ વેસ્ટની તસ્કરી કરવાતો હતો અને દરેક ટેન્ડરમાં 20 ટકા કમિશન લેતો હતો. સંદીપ ઘોષે તાનાશાહની જેમ કૉલેજ ચલાવી હતી અને ટ્રાન્સફર તેના ડાબા હાથનો ખેલ હતી.' આરોપી સંદીપ ઘોષના કાંડ અંગે મોટો ખુલાસો કરતાં જણાવ્યું હતું કે, '15 ડૉક્ટરોની ગેંગ વસૂલી કરવા માટે બનાવી હતી. આ ગેંગ ગેસ્ટ હાઉસમાં યુવતીઓ લાવીને દારૂની મહેફિલ માણવામાં આવતી હતી.' સંદીપ ઘોષના કાંડના ચોંકાવનારા ખુલાસા આરજી કર મેડિકલ કૉલેજ અને હૉસ્પિટલના પૂર્વ નાયબ અધિક્ષક અખ્તર અલીએ પૂર્વ પ્રિન્સિપાલ સંદીપ ઘોષ પર આરોપ લગાવતા ચોંકાવનારા ખુલાસા કર્યા હતા કે, 'સંદીપ તેની હેઠળના અધિકારીઓ દ્વારા બાંગ્લાદેશમાં બાયોમેડિકલ વેસ્ટની તસ્કરી કરતો, દરેક ટેન્ડરમાં 20 ટકા કમિશન લેતો અને કૉલેજમાં ગેરકાયદેસર કામ કરવા માટે 15 જૂનિયર ડૉક્ટરની ગેંગ બનાવવામાં આવી હતી. આમ કૉલેજના વિદ્યાર્થીઓ પર અન્યાય અને અત

Halavad Dhavana Village News : રાજ્યમાં ભારે વરસાદી સ્થિતિના કારણે અનેક લોકો પ્રભાવિત થયા છે, થોડા દિવસ પહેલા હળવદ તાલુકાના ઢવાણા ગામે ટ્રેક્ટર સાથે નદીના પાણીમાં તણાયેલા 8 લાપતા વ્યક્તિમાંથી 7 વ્યક્તિઓના મૃતદેહ મળી આવ્યા છે. જેમાંથી હજુ 1 લાપતા વ્યક્તિને શોધવા માટે મોરબી જિલ્લાના પ્રભારી મંત્રી પ્રફુલ પાનસેરીયાના જણાવ્યા પ્રમાણે NDRFની ટીમ દ્વારા સર્ચ ઑપરેશન ચાલી રહ્યું છે. બીજી તરફ, સરકાર દ્વારા ઘટનામાં મૃતકોના પરિવારજનોને 4-4 લાખની સહાય કરવામાં આવશે. આ પણ વાંચો :  ગુજરાતના આ 12 જિલ્લામાં કાલે રેડ એલર્ટ, હજુ છ દિવસ ભારેથી અતિભારે વરસાદની હવામાન વિભાગ આગાહી ડ્રાઇવર સહિત 17 વ્યક્તિ પાણીમાં તણાયા  રાજ્યમાં છેલ્લા કેટલાક દિવસથી ભારેથી અતિભારે વરસાદ ખાબકી રહ્યો છે, ત્યારે ગત 25 ઑગસ્ટે મોરબી જિલ્લાના હળવદ તાલુકાના જૂના ઢવાણાથી ટ્રેક્ટર લઈને જતાં નવા ઢવાણા ગામ તરફ જવાના રસ્તા પરના કોઝવેમાં વરસાદી પાણી આવી જતાં ટ્રેક્ટરના ડ્રાઇવર સહિત 17 વ્યક્તિ પાણીમાં તણાયા હતા. આ દરમિયાન સ્થાનિકો દ્વારા બચાવ કામગીરીમાં 9 વ્યક્તિને તાત્કાલિક બચાવી લેવામાં આવ્યા હતા. આ દુર્ઘટનામાં 5 બાળકો, 2 મહિલા અને

Rajyasabha Election: અનેક નિર્ણયો પર બેકફૂટ પર ચાલી રહેલ NDA સરકારને રાજ્યસભા પેટાચૂંટણીથી સારા સમાચાર મળ્યા છે. NDA ગઠબંધને ફરી રાજ્યસભામાં બહુમતી મેળવી લીધી છે. પેટાચૂંટણી માટે મતદાન થાય તે પહેલા જ ભાજપના નવ અને સાથી પક્ષોના બે ઉમેદવારો બિનહરીફ ચૂંટાયા છે.  ભાજપનો દબદબો વધ્યો  નવા નવ સાંસદોની સાથે હવે રાજ્યસભામાં ભાજપના સાંસદોની કુલ સંખ્યા 96 થઈ ગઈ છે. આ સિવાય ભાજપના સાથી પક્ષોના સાંસદોની સંખ્યા ગણીએ તો NDAના કુલ 112 સાંસદો રાજ્યસભામાં છે.  ભાજપના નવ ઉમેદવાર બિનહરીફ ચૂંટાયા  નવ રાજ્યોની 12 બેઠકો પર રાજ્યસભાની પેટાચૂંટણી થવાની હતી. જેમાં ભાજપના નવ ઉમેદવારો બિનહરીફ ચૂંટાયા છે. જેમાં મિશન રંજન દાસ, રામેશ્વર તેલી, મનન કુમાર મિશ્રા, કિરણ ચૌધરી, જોર્જ કુરિયન, શીલ પાટીલ, મમતા મોહંતા, રવનીત સિંહ બિટ્ટુ, રાજીવ, ભટ્ટાચાર્જી સામેલ છે.  આ સિવાય અજીત પવાર જૂથના નીતિન પાટીલ મહારાષ્ટ્રથી અને રાષ્ટ્રીય લોક મોરચાના રાષ્ટ્રીય અધ્યક્ષ ઉપેન્દ્ર કુશવાહા પણ બિનહરીફ ચૂંટાયા છે. બીજી તરફ કોંગ્રેસના અભિષેક મનુ સિંઘવી તેલંગાણાથી બિનહરીફ ચૂંટાયા છે.  નોંધનીય છે કે રાજ્યસભામાં સંખ્યાબળ મજબૂત થઈ જવાના ક

Kangana Ranaut Controversy Statement On Farmers : બોલિવૂડની અભિનેત્રી અને ભાજપની સાંસદ કંગના રનૌતે ખેડૂત આંદોલન અંગે વિવાદાસ્પદ નિવેદન કરવું ભારે પડ્યું છે. કંગનાના નિવેદન બાદ કોંગ્રેસ સહિત ઘણા ખેડૂત સંગઠનો વિરોધ કરી રહ્યા છે. ખેડૂતો કંગનાને સાંસદ પદેથી હટાવવાની માંગ કરી રહ્યા છે. આ ઉપરાંત તેને માનહાનિની નોટિસ પણ મોકલવામાં આવી છે. ખેડૂતોએ કંગનાનું પુતળું સળગાવ્યું મળતા અહેવાલો મુજબ કંગનાના નિવેદનના કારણે રાજસ્થાનના ભરતપુરમાં ભારે વિરોધ કરાયો છે. ખેડૂતોએ કંગનાના નિવેદનથી નારાજ થઈને તેણીનું રાજીનામું માગ્યું છે. આ ઉપરાંત દેખાવો કરી રહેલા ખેડૂતોએ ભાજપ સાંસદ વિરુદ્ધ કાયકાયદી કાર્યવાહીની પણ માંગ કરી છે. ખેડૂત નેતા નેમ સિંહની આગેવાનીમાં આજે ધરણા-પ્રદર્શન યોજાયા હતા. આ દરમિયાન ખેડૂતોએ કલેક્ટર કચેરીએ પહોંચી કંગનાનું પુતળું સળગાવ્યું હતું. આ પણ વાંચો : કોલકાતામાં ‘નબન્ના રેલી’માં પોલીસનો લાઠીચાર્જ, દેખાવકારોનો પથ્થરમારો, ભાજપનું કાલે બંધનું એલાન, અનેક દેખાવકારોની ધરપકડ કંગના વિરુદ્ધ સૂત્રોચ્ચાર ખેડૂતોએ કંગના વિરુદ્ધ ભારે સૂત્રોચ્ચાર કર્યા હતા. દેખાવકારોએ કહ્યું હતું કે, કંગનાએ ખેડૂત આંદો

Janmashtami 2024: બરાબર રાત્રીના 12 ના ટકોરે શંખનાદ, ઝાલરનાદ, ઘંટનાદ વચ્ચે આતશબાજીની જમાવટ સાથે નંદ ઘેર આનંદ ભયો જય કનૈયાલાલકીના ગગનભેદી જયઘોષ સાથે કૃષ્ણ જન્મોત્સવના હરખભેર વધામણા કરાવવામાં આવ્યા હતા. આ સાથે જ દ્વારકા, શામળાજી,ડાકોર, સહિત રાજ્યભરના મંદિરો કૃષ્ણમય બની ગયા હતા. રાત્રે કર્ણપ્રિય મટકીગીતોના ગાન સાથે કૃષ્ણભકિતના ગીતોની રમઝટ બોલાવાવવામાં આવી હતી. સોમવારે કૃષ્ણ જન્માષ્ટમીના દિવસે રાજ્યભરના મંદિરો અને સોસાયટી અને ઘરોમાં કૃષ્ણ જન્મોત્સવની ભવ્ય ઉજવણી કરવામાં આવી હતી. મંદિરો, સોસાયટી અને ઘરમાં સજાવટ સાથે ભક્તિમય બન્યા હતા અને નંદ ઘેર આનંદ ભયો, જય કનૈયા લાલ કી, નારા સાથે વાતાવરણ ગુંજી ઉઠ્યું હતું. જન્માષ્ટમીના દિવસે દ્વારકા, ડાકોર, સહિત રાજ્યભરના કૃષ્ણ મંદિરોમાં ભક્તોનું ઘોડાપુર ઉમટી પડ્યું હતું.  કૃષ્ણ મંદિરોમાં ફુલોથી ડેકોરેશન અને વિવિધ થીમ પર મંદિર ની સજાવટ કરવામાં આવી હતી. દિવસ દરમિયાન વિવિધ ધાર્મિક કાર્યક્રમ ઉપરાંત રાત્રીના દરમિયાન ભજન સાથે રાત્રે ભવ્ય રીતે કૃષ્ણ જન્મોત્સવ કરવામાં આવ્યો હતો. કૃષ્ણ જન્મોત્સવની ઉજવણી સાથે સુંઠ, પંજરી અને વિવિધ મીઠાઈનો પ્રસાદ પણ ભક્તોને આપવા

Gujarat Rain Forecast : રાજ્યમાં છેલ્લા કેટલાક દિવસથી ભારેથી અતિભારે વરસાદ ખાબકી રહ્યો છે, હવામાન વિભાગ દ્વાર રાજ્યમાં આગામી 31 ઑગસ્ટ સુધી ભારેથી અતિભારે વરસાદની આગાહી કરવામાં આવી છે. જ્યારે આજે (26 ઑગસ્ટ) રાજ્યભરના મોટાભાગના જિલ્લામાં હવામાન વિભાગ દ્વારા રેડ એલર્ટ જાહેર કરવામાં આવ્યું છે, ત્યારે સૌરાષ્ટ્ર,ઉત્તર ગુજરાત, મધ્ય ગુજરાત અને દક્ષિણ ગુજરાતમાં ધોધમાર વરસાદ વરસી રહ્યો છે. બીજી તરફ, આવતી કાલે (27 ઑગસ્ટે) સૌરાષ્ટ્રના આઠ જિલ્લા સહિત કુલ 13 જિલ્લામાં રેડ એલર્ટ જાહેર કરવામાં આવ્યું છે.  છેલ્લા 24 કલાકમાં 244 તાલુકામાં વરસાદ ખાબક્યો રાજ્યભરમાં ભારેથી અતિભારે વરસાદ વરસી રહ્યો છે, ત્યારે રાજ્યમાં છેલ્લા 24 કલાકમાં 244 તાલુકામાં વરસાદ ખાબક્યો છે. જેમાં નવસારીના ખેરગામમાં 356 મિ.મી., ડાંગના આહવામાં 268 મિ.મી., વલસાડના કરપડામાં 263 મિ.મી., ડાંગના વધઈમાં 251 મિ.મી., વલસાડના ધરમપુરમાં 237 મિ.મી., નર્મદાના ડેડિયાપાડામાં 236 મિ.મી., વલસાડમાં 226 મિ.મી., નર્મદાના સાગબારામાં 225 મિ.મી. વરસાદ ખાબક્યો છે.  આવતી કાલે (27 ઑગસ્ટ) આ જિલ્લાઓમાં રેડ એલર્ટ  આવતી કાલે (27 ઑગસ્ટ) સૌરાષ્ટ્રના કચ્છ,

Karnataka Congress And BJP News |  કર્ણાટકમાં કોંગ્રેસના એક ધારાસભ્યે ભાજપ પર ઓપરેશન કમળ ચલાવવાનો આરોપ મૂક્યો છે. તેમણે રવિવારે જણાવ્યું હતું કે મુખ્યપ્રધાન સિદ્ધારમૈયાના નેતૃત્ત્વવાળી રાજ્ય સરકારને અસ્થિર બનાવવા માટે 100 કરોડ રૂપિયાની ઓફર કરી કોંગ્રેસના ધારાસભ્યોને લલચાવવાનો પ્રયત્ન કરવામાં આવી રહ્યો છે.   માંડયાથી કોંગ્રેસના ધારાસભ્ય રવિકુમાર ગૌડાએ જણાવ્યું છે કે ભલે ભાજપ કોંગ્રેસના ધારાસભ્યોને લાલચ આપી કોંગ્રેસની સરકારને અસ્થિર કરવાના પ્રયત્નો કરી રહી હોય પણ કોંગ્રેસનો કોઇ પણ ધારાસભ્ય તેમની આ ઓફરનો સ્વીકાર કરશે નહીં. રાજ્યમાં કોંગ્રેસની સરકાર સ્થિર અને મજબૂત છે. રવિકુમાર ગૌડાએ જણાવ્યું છે કે હું આજે પણ કહી રહ્યો છું કે ભાજપે 50 કરોડ રૂપિયાની ઓફર વધારી 100 કરોડ રૂપિયા કરી છે. બે દિવસ પહેલ ફોન આવ્યો હતો જેમાં જણાવવામાં આવ્યું હતું કે 100 કરોડ રૂપિયા તૈયાર છે. તે 50 ધારાસભ્યો ખરીદવા માંગે છે. ભાજપના લોકો 50 કરોડ રૂપિયાથી 100 કરોડ રૂપિયાએ પહોંચી ગયા છે. આ અગાઉ ગયા વર્ષે ઓક્ટોબરમાં ગૌડાએ દાવો કર્યો હતો કે એક ટીમે કોંગ્રેસ ધારાસભ્યોને 50 કરોડ રૂપિયા અને મંત્રી પદ આપવાની ઓફર કરી હતી. ત

Ayodhya Ramlalla Temple: ભગવાન રામની જન્મભૂમિ અયોધ્યા સ્થિત ભગવાન રામલલાના દિવ્ય અને ભવ્ય મંદિરમાં આવતીકાલે પ્રથમ વખત જન્માષ્ટમી ઉજવવામાં આવશે. આ માટે શ્રી રામ જન્મભૂમિ તીર્થ ક્ષેત્ર ટ્રસ્ટ દ્વારા તડામાર તૈયારીઓ શરૂ કરી દેવાઈ છે. રામલલા મંદિરના મુખ્ય પૂજારીએ જણાવ્યું કે, 'મર્યાદા પુરૂષોત્તમ ભગવાન શ્રી રામના જન્મસ્થળ પર બનેલા મંદિરમાં ભગવાન શ્રી કૃષ્ણનો જન્મ મંગળવારે એટલે કે 27 ઓગસ્ટના રોજ રાત્રે બરાબર 12 વાગ્યે રામલલા સ્થિત દરબારમાં ઉજવવામાં આવશે.' જોરશોરથી તૈયારીઓ ચાલુ મુખ્ય પુજારીએ કહ્યું કે, 'રામલલાના દરબારમાં પહેલીવાર જન્માષ્ટમી ઉજવવામાં આવી રહી છે, ત્યારે આ ભવ્ય ઉજવણીના દિવસે રામલલા ગુલાબી કપડાં પહેરશે. આ કાર્યક્રમની તૈયારીઓ શ્રી રામ જન્મભૂમિ તીર્થ ક્ષેત્ર ટ્રસ્ટ દ્વારા કરવામાં આવી રહી છે.' શ્રી રામ જન્મભૂમિ તીર્થ ક્ષેત્ર ટ્રસ્ટના પ્રમુખ અનિલ મિશ્રાએ જણાવ્યું કે, 'આ વખતે રામલલાના દરબારમાં શ્રી કૃષ્ણ જન્માષ્ટમીની ભવ્ય ઉજવણી કરવાની તૈયારીઓ કરવામાં આવી છે, જેમાં રામલલાને 50 કિલો પંચામૃતથી અભિષેક કર્યા બાદ 150 કિગ્રા પંજીરી ચઢાવવામાં આવશે. રામલલાને ફૂલો સહિત અ

Jammu Kashmir Election: જમ્મુ અને કાશ્મીર વિધાનસભા ચૂંટણીને ધ્યાનમાં રાખીને ગુલામ નબી આઝાદની પાર્ટી અને આમ આદમી પાર્ટી (AAP) એ પોતપોતાના ઉમેદવારોની પ્રથમ યાદી જાહેર કરી છે. ગુલામ નબી આઝાદની પાર્ટીએ 13 ઉમેદવારોની જાહેરાત કરી છે, જ્યારે આમ આદમી પાર્ટીએ 7 ઉમેદવારોના નામ જાહેર કર્યા છે. આ યાદીમાં મહત્વની સીટો માટે ઉમેદવારોને મેદાનમાં ઉતારવામાં આવ્યા છે, જેમાં ગાંદરબલ સીટ પણ સામેલ છે, જ્યાંથી પૂર્વ મુખ્યમંત્રી ઓમર અબ્દુલ્લા ચૂંટણી લડવાના છે. બંને પક્ષો રાજ્યમાં તેમના ઉમેદવારોની જીત સુનિશ્ચિત કરવા માટે સંપૂર્ણ તાકાત સાથે ચૂંટણી મેદાનમાં ઉતરી રહ્યા છે. ચૂંટણી સમીકરણો ધ્યાને લઇ યાદી જાહેર કરી જમ્મુ અને કાશ્મીરમાં પ્રથમ તબક્કામાં 24 બેઠકો પર મતદાન થશે, જેના માટે નોમિનેશનની છેલ્લી તારીખ 27 ઓગસ્ટ સુધી છે. પ્રથમ તબક્કાની ચૂંટણી 18 સપ્ટેમ્બરે, બીજા તબક્કાનું મતદાન 25 સપ્ટેમ્બર અને ત્રીજા તબક્કાનું મતદાન 1 ઓક્ટોબરે થશે, જ્યારે 4 ઓક્ટોબરે પરિણામ જાહેર થશે. ગુલામ નબી આઝાદની પાર્ટી અને આમ આદમી પાર્ટી એ તમામ તબક્કા અને તમામ બેઠકોનું અભ્યાસ કરી ચૂંટણી સમીકરણો ધ્યાને લઇ પ્રથમ તબક્કા માટે ઉમેદવારોની પ

Nepali Pilgrims Injured In Samastipur : બિહારના સમસ્તીપુરમાં મુસરીઘરારી ક્રોસિંગ પાસે નેપાળથી આવી રહેલી બસને અકસ્માત નડ્યો હતો. આજે (25 ઑગસ્ટ) સવારે ઝડપી આવી રહેલા ટ્રકે બસને પાછળથી ટક્કર મારતા બસમાં મુસાફરી કરી રહેલી મહિલાઓ અને બાળકો સહિત ઓછામાં ઓછા 35 નેપાળી યાત્રાળુઓ ઈજાગ્રસ્ત થયા હતા. ઘટનાની જાણકારી પોલીસને થતાં સ્થાનિક લોકોની મદદથી તમામ ઈજાગ્રસ્ત લોકોને હોસ્પિટલમાં ખસેડવામાં આવ્યાં હતા. 35 નેપાળી યાત્રાળુઓ ઈજાગ્રસ્ત થયાં  ઘટનાને લઈને સમસ્તીપુર સદર અનુમંડળના પોલીસ અધિકારીએ જણાવ્યું હતું કે, 'આ ઘટના વહેલી સવારે નેશનલ હાઈવે-28 પર મુસરીઘરારી ક્રોસિંગ પાસે બની હતી. ઘટના સ્થળ પર હાજર લોકોએ જણાવ્યું હતું કે, નેપાળી બસને એક ઝડપી આવતા ટ્રકે પાછળથી ટક્કર મારી હતી, ત્યારબાદ બસ પલટી ગઈ હતી. જેમાં 35 નેપાળી યાત્રાળુઓ ઈજાગ્રસ્ત થયાં હતા' આ પણ વાંચો :  ‘જો તમે જાતિની વસ્તી ગણતરી અટકાવવાનું વિચારી રહ્યા છો તો...’ રાહુલે ફરી PM પર સાધ્યું નિશાન ઘટના સ્થળ પર પોલીસ પહોંચી સ્થાનિક પોલીસને ઘટનાની જાણ થતા સ્થળ પર પહોંચીને બસમાં સવાર ઈજાગ્રસ્ત યાત્રીઓને બહાર કાઢીને નજીકની હોસ્પિટલમાં દાખલ

Haryana Assembly Election: હરિયાણાની 90 વિધાનસભા બેઠકો પર એક જ તબક્કામાં પહેલી ઓક્ટોબરે મતદાન થવાનું છે. જ્યારે ચોથી ઓક્ટોબરે મતગણતરી કરવામાં આવશે. જો કે, હવે ભાજપ દ્વારા મતદાનની તારીખ બદલવા માંગ કરવામાં આવી છે. હરિયાણા ભાજપના પ્રદેશ પ્રમુખ મોહન લાલ બડોલીએ પત્ર લખીને તારીખ બદલવા માંગ કરી છે. ભાજપનું કહેવું છે કે જે દિવસે મતદાન થવાનું છે તેની પહેલા અને પછી રજાઓ હોવાથી મતદાન ઓછું થવાની આશંકા છે. ભાજપે ચૂંટણી પંચને લખ્યો પત્ર હરિયાણાના ભાજપ અધ્યક્ષ મોહન લાલ બડોલીએ ચૂંટણી આયોગને એક પત્ર લખ્યો છે, જેમાં તેમણે ઓછું મતદાન થવાની શક્યતાના આધારે તેમણે ચૂંટણી પંચ અને હરિયાણાના મુખ્ય ચૂંટણી કમિશનરને મતદાનની તારીખ બદલવા માંગ કરી છે. આ પણ વાંચોઃ અમે અનામત પરથી 50 ટકાની સીમા હટાવી દઇશું: રાહુલ ગાંધીએ જાતિગત વસ્તી ગણતરીની કરી માંગ તેમણે પત્રમાં લખ્યું કે, 'પહેલી ઓક્ટોબર પહેલાં અને પછી ઘણી રજાઓ આવે છે. આ રજાઓમાં લોકો બહાર ફરવા જઇ શકે છે. જેની અસર મતદાન પર પડી શકે છે અને મતદાન ઓછું થઇ શકે છે માટે મતદાન તારીખ બદલવામાં આવે.' INLD એ પણ તારીખ બદલવાની માંગ કરી ભાજપ બાદ ઇન્ડિયન નેશનલ લોકદલ IN

India-America Sign Two Important Agreements: સંરક્ષણ મંત્રી રાજનાથ સિંહેની વોશિંગ્ટનની સત્તાવાર મુલાકાત દરમિયાન ભારત અને અમેરિકાએ બે મહત્ત્વપૂર્ણ કરાર પર હસ્તાક્ષર કર્યા છે. રાજનાથ સિંહ બંને દેશો વચ્ચે વ્યાપક વૈશ્વિક વ્યૂહાત્મક ભાગીદારીને આગળ વધારવા માટે યુએસની મુલાકાતે છે. હસ્તાક્ષર કરાયેલા કરાર સપ્લાય ઓફ સિક્યોરિટી એરેન્જમેન્ટ્સ (SOSA) અને લાયઝન ઓફિસર્સની નિમણૂક અંગેના એમઓયુને લગતા છે. વોશિંગ્ટનમાં બે મહત્ત્વપૂર્ણ કરાર પર હસ્તાક્ષર કર્યા સંરક્ષણ મંત્રાલયે આજે (23 ઑગસ્ટ) પોતાના સોશિયલ મીડિયા માધ્યમ 'X' પર કાર્યક્રમના ફોટોની પોસ્ટ શેર કરીને જણાવ્યું હતું કે, 'સંરક્ષણ મંત્રી અમેરિકાના પ્રવાસ દરમિયાન વોશિંગ્ટનમાં બે મહત્ત્વપૂર્ણ કરાર પર હસ્તાક્ષર કર્યા છે. બંને દેશોના વરિષ્ઠ સુરક્ષા અધિકારીઓએ SOSA અને લાયઝન ઓફિસર્સની નિમણૂક અંગેના એમઓયુ પર હસ્તાક્ષર કર્યા.'  આ પણ વાંચો :  ધો.10 અને 12 માટે જુદાં-જુદાં શિક્ષણ બોર્ડ અંગે કેન્દ્ર સરકારે તમામ રાજ્યોને આપી સલાહ, જાણો શું કહ્યું અમેરિકા અને ભારત વચ્ચે સુરક્ષાને ધ્યાનમાં રાખીને મહત્ત્વપૂર્ણ કરાર કરાયો રાજનાથ સિંહ ગુરુ

Bangladesh Flood: બાંગ્લાદેશ હિંસક પ્રદર્શનોથી થયેલા નુકસાન બાદ હવે પૂરના સંકટનો સામનો કરી રહ્યું છે. બાંગ્લાદેશમાં સતત વરસાદ બાદ ભૂસ્ખલન અને ડૂબવાથી નવ લોકોના મોત અને 2 લોકો ઘાયલ થયા છે. બાંગ્લાદેશના ઢાકામાં મોટાભાગની મુખ્ય નદીઓ ચિંતાજનક સ્તરથી ઉપર વહી રહી છે, ગોમતી નદીનું જળસ્તર પણ અત્યંત જોખમી સ્તરને પાર કરી ગયું છે. બીજીતરફ બાંગ્લાદેશની નવી સરકારે ભારતના કારણે પૂર આવ્યું હોવાનો આક્ષેપ કર્યો છે. તેણે આક્ષેપ કર્યો છે કે, ભારતે ડેમનું પાણી છોડતાં દેશના પૂર્વીય વિસ્તારોમાં પૂરની સ્થિતિ સર્જાઈ છે. વિદેશ મંત્રાલયે આરોપો નકાર્યા ભારતીય વિદેશ મંત્રાલયે બાંગ્લાદેશના આરોપો નકારી કાઢ્યા છે. મંત્રાલયે સ્પષ્ટ કર્યું છે કે, 'ત્રિપુરામાં ગોમતી નદી ઉપર સ્થિત ડંબૂર ડેમને ખોલવાથી બાંગ્લાદેશમાં પૂરની સ્થિતિ ઉદ્ભવી નથી. ગોમતી નદીના જળગ્રહણ ક્ષેત્રોમાં તાજેતરમાં જ ભારે વરસાદ થયો છે. જે પૂરનું મુખ્ય કારણ છે.' મંત્રાલયે કહ્યું કે, 'ડંબૂર ડેમ બાંગ્લાદેશની સરહદથી 120 કિમી દૂર સ્થિત છે અને આ એક ઓછી ઉંચાઇવાળો ડેમ છે, જે વીજળી ઉત્પન્ન કરે છે. બાંગ્લાદેશ ત્રિપુરાથી 40 મેગાવોટ વીજળી પણ પ્રાપ્ત

Ind Vs Eng Test Series 2025: ભારતીય ટીમ આવતા વર્ષે જૂન-ઑગસ્ટ, 2025 દરમિયાન ઈંગ્લેન્ડના પ્રવાસ પર રહેશે, જ્યાં યજમાન ટીમ સામે 5 ટેસ્ટ મેચ રમવાની છે, ત્યારે ભારત-ઈંગ્લેન્ડ વચ્ચેની ટેસ્ટ મેચ સીરિઝને લઈને શેડ્યૂલ જાહેર કરવામાં આવ્યું છે. આજે (22 ઑગસ્ટ) ભારતીય ક્રિકેટ કંટ્રોલ બોર્ડ (BCCI) અને ઈંગ્લેન્ડ અને વેલ્સ ક્રિકેટ બોર્ડ (ECB) દ્વારા શેડ્યૂલ જાહેરાત કરી છે. આ પણ વાંચો : VIDEO: કેપ્ટન માટે રિસ્પેક્ટ તો જુઓ! રોહિતને આવતો જોઈ પોતાની ખુરશી પરથી ઊભો થઈ ગયો ભારતીય ક્રિકેટર હેડિંગ્લે ખાતે ટેસ્ટ સીરિઝની પ્રથમ મેચ રમાશે જાહેર કરવામાં આવેલા શેડ્યૂલ પ્રમાણે, બંને દેશો વચ્ચે ટેસ્ટ સીરિઝની પ્રથમ મેચ 20 જૂન, 2025થી હેડિંગ્લે ખાતે રમવામાં આવશે. આ પછી, બીજી ટેસ્ટ મેચ 2જી જુલાઈથી બર્મિંગહામમાં રમાશે. જ્યારે 10 જુલાઈથી લોર્ડ્સના મેદાન પર સીરિઝની ત્રીજી મેચમાં બંને ટીમો આમને-સામને જોવા મળશે. ત્યારબાદ બાકીની બે ટેસ્ટ મેચમાં 23 જુલાઈએ માન્ચેસ્ટરમાં અને 31 જુલાઈએ ઓવલમાં રમાશે. WTCની ત્રીજી સિઝનની ફાઈનલ જૂન 2025માં ક્રિકેટના મક્કા, લોર્ડ્સમાં રમાશે આ ટેસ્ટ સીરિઝ વર્લ્ડ ટેસ્ટ ચેમ્પિયનશિપના (WTC) ચોથી સ

PM Modi Poland Visit : વડાપ્રધાન નરેન્દ્ર મોદી પોલેન્ડ અને યુક્રેનની બે દેશની મુલાકાતના પહેલા તબક્કામાં 21 ઓગસ્ટે સાંજે પોલેન્ડ પહોંચી ગયા છે. છેલ્લા 45 વર્ષમાં પહેલીવાર કોઈ ભારતીય વડાપ્રધાન પોલેન્ડની મુલાકાતે છે. આ પહેલા 1979માં તત્કાલીન વડાપ્રધાન મોરારજી દેસાઈએ પોલેન્ડની મુલાકાત લીધી હતી. તેમના પહેલા 1955માં જવાહરલાલ નહેરુ અને 1967માં ઈન્દિરા ગાંધીએ પોલેન્ડની મુલાકાત લીધી હી. બે દિવસમાં પોલેન્ડમાં વીતાવીને વડાપ્રધાન મોદી 23 ઓગસ્ટે યુક્રેન જશે. આ પહેલા જુલાઈ મહિનામાં મોદી રશિયા અને ઓસ્ટ્રેલિયાનો પ્રવાસ કર્યો હતો. વોસો એરપોર્ટ પર વડાપ્રધાન મોદીનું ભવ્યું સ્વાગત વોસો એરપોર્ટ પર વડાપ્રધાન મોદીનું ભવ્યું સ્વાગત કરવામાં આવ્યું હતું. તેમની આ મુલાકાત ત્યારે થઈ રહી છે, જ્યારે બંને દેશો રાજદ્વારી સંબંધોના 70 વર્ષ પૂર્ણ કરી રહ્યા છે. ભારત અને પોલેન્ડના રાજદ્વારી સંબંધો 1954માં સ્થાપિત થયા હતા. બે દિવસની મુલાકાત દરમિયાન વડાપ્રધાન મોદી પોલેન્ડના રાષ્ટ્ર પ્રમુખ એન્ડ્રેજ ડુડા અને વડાપ્રધાન ડોનાલ્ડ ટસ્ક સાથે દ્વિપક્ષીય મંત્રણા કરશે. મળતી માહિતી પ્રણાણે, વડાપ્રધાન મોદીની મુલાકાતનો મુખ્ય ફોકસ સ

Uttar Pradesh Government Employee News : ઉત્તર પ્રદેશની યોગી આદિત્યનાથ (Uttar Pradesh CM Yogi Adityanath) સરકારે ભ્રષ્ટાચાર પર અંકુશ મુકવા માટે સરકારી કર્મચારીઓને લઈને કડક આદેશ બહાર પાડ્યો છે. આદેશ મુજબ હવે રાજ્યના તમામ સરકારી કર્ચમારીઓએ પોતાની તમામ સંપત્તિ જાહેર કરવાની રહેશે. કર્મચારીઓએ 31 ઓગસ્ટ સુધીમાં સંપત્તિની માહિતી આપવાની રહેશે. જો કોઈ કર્મચારી અંતિમ તારીખ સુધીમાં માહિતી ન આપે તો તેમને ઓગસ્ટ મહિનાનો પગાર અટકાવાશે. આ ઉપરાંત તેમના પ્રમોશનને પણ અસર પડશે. યોગી સરકારના આદેશ મુજબ સરકારી કર્મચારીઓએ ફરજીયાત સંપત્તિની વિગતો આપવાની રહેશે. આ આદેશનો મુખ્ય ઉદ્દેશ્ય સરકારી કર્મચારીઓની સંપત્તિની પારદર્શિતા સુનિશ્ચિત કરવાનો અને ભ્રષ્ટાચારને અંકુશમાં લેવાનો છે. યોગી સરકારનો તમામ વિભાગોને પત્ર મળતા અહેવાલો મુજબ ઉત્તર પ્રદેશ સરકારના ચીફ સેક્રેટરીએ તમામ વિભાગોના વડાઓને એક પત્ર મોકલ્યો છે, જેમાં તમામ સરકારી કર્મચારીઓને પોતાની જંગમ સંપત્તિની માહિતી 31 ઓગસ્ટ સુધીમાં રજુ કરવા કહેવાયું છે. જો કર્મચારીઓ આ તારીખ સુધીમાં માહિતી ન આપે તો તેમનું પ્રમોશન અટકાવાશે અને ઓગસ્ટ મહિનાનો પગાર પણ જારી કરવામાં નહીં

Tripura Landslide and Rain News | ત્રિપુરામાં ત્રણથી ચાર સ્થળોએ ભારે વરસાદને પગલે થયેલા ભૂસ્ખલનને કારણે એક જ પરિવારના ત્રણ સભ્યો સહિત સાત લોકોનાં મોત થયા છે અને બે ગ્રામીણો લાપતા છે તેમ એક વરિષ્ઠ અધિકારીએ એક નિવેદનમાં જણાવ્યું છે.  દક્ષિણ ત્રિપુરા જિલ્લામાં પાંચ લોકોનાં મોત થયા છે. ગોમતા અને ખોવાઇ જિલ્લામાં એક-એકનું મોત થયું છે તેમ રેવન્યુ ડિપાર્ટમેન્ટના સચિવ બ્રિજેશ પાંડેએ જણાવ્યું છે. તેમણે જણાવ્યું હતું કે ખોવાઇ અને ગોમતી જિલ્લાના બે લોકો લાપતા છે. રવિવારથી પડી રહેલા ભારે વરસાદને કારણે રાજ્યના અનેક વિસ્તારોમાં પાણીમાં ગરકાવ થઇ ગયા છે. અધિકારીએ વધુમાં જણાવ્યું હતું કે હવામાન વિભાગની મધ્યમથી ભારે વરસાદની આગાહીને ધ્યાનમાં રાખીને દક્ષિણ ત્રિપુરા જિલ્લામાં રેડ એલર્ટ જારી કરવામાં આનવી છે. જ્યારે રાજ્યના બાકીના સાત જિલ્લાઓમાં ઓરેન્જ એલર્ટ જારી કરવામાં આવી છે. બીજી તરફ પૂર્વ સિક્કિમમાં મોટા પાયે થયેલા ભૂસ્ખલનને કારણે તિસ્તા નદી પર ના ૫૧૦ મેગાવોટના હાઇડ્રોઇલેક્ટ્રિક પ્રોજેક્ટના કેટલાક ભાગોને નુકસાન થયું છે.સવારે ૭.૩૦ વાગ્યે ભૂસ્ખલન થયું હતું. બિહારના ભાગલપુર જિલ્લામાં ગંગા નદીનો એક સુ

Jan Poshan Kendra: જે લોકો રાશનની દુકાન પરથી સબ્સિડાઇઝ રેટ વાળું રાશન અથવા સરકારની મફત રાશન યોજનાનો લાભ લેતાં હોય છે તેમના માટે સરકારે મોટી જાહેરાત કરી છે. અનાજ અને ચોખા આપતી આ દુકાનો સામાન્ય રીતે જૂની વસાહતો અને પછાત વિસ્તારોમાં જ હોય છે, પરંતુ સરકાર હવે આ દુકાનોનું મેકઓવર કરવાનું પ્લાન કરી રહી છે. કેન્દ્ર સરકાર તરફથી આ માટે યોજના તૈયાર કરવામાં આવી છે. આ દુકાનોને પાયલેટ પ્રોજેક્ટ હેઠળ યુપી, ગુજરાત, રાજસ્થાન અને તેલંગાણામાં શરૂ કરવામાં આવશે. કેન્દ્રીય મંત્રી પ્રહલાદ જોશીએ આપી માહિતી કેન્દ્રીય મંત્રી પ્રહલાદ જોશીએ ઉત્તર પ્રદેશ, ગુજરાત, રાજસ્થાન અને તેલંગાણાની 60 રાશનની દુકાનોને 'જન પોષણ કેન્દ્ર'માં બદલવા પાયલટ પ્રોજેક્ટની શરૂઆત કરી છે. આ પ્રોજેક્ટનો ઉદ્દેશ્ય એફપીએસ (સરકારી રાશનની દુકાન) ની ક્ષમતા વધારવા અને પોષણયુક્ત ખાદ્ય પદાર્થો ઉપલબ્ધ કરાવવાનું છે. પાયલટ પ્રોજેક્ટ અંતર્ગત એફપીએસ ડીલરને સબ્સિડી વાળા અનાજ ઉપરાંત તેમના ઉત્પાદનોમાં વિવિધતા લાવવાની સંમતિ પણ આપવામાં આવશે. આ પણ વાંચોઃ AAP સાંસદ સંજય સિંહ ફરી જશે જેલમાં ! કોર્ટે આ કેસમાં ધરપકડ કરવાનો આપ્યો આદેશ રાશન ઉપરાંત અન્

TTP in Pakistan : આતંકવાદી સંગઠન 'તહરીક-એ-તાલિબાન-પાકિસ્તાન' (TTP) એ પાકિસ્તાનના કેટલાક વિસ્તારો પર કબજો કર્યો છે. TTP અને લશ્કર-એ-ઈસ્લામ (LI)ના સશસ્ત્ર આતંકવાદીઓએ દેશના ઉત્તરીય રાજ્ય ખૈબર પખ્તુનખ્વાની તિરાહ ખીણમાં કબજો જમાવ્યો છે. આતંકીઓના કબજાના કારણે વિસ્તારમાં ભયનો માહોલ ફેલાયો છે. પાકિસ્તાની મીડિયા અનુસાર, 'ટીટીપી અને એલઆઈના ફરી સક્રિય થવાથી ખીણમાં ખતરો વધી ગયો છે. જેથી સ્થાનિક રહેવાસીઓએ અધિકારીઓને સુરક્ષા માટે અપીલ કરી છે.' જો કે, પાકિસ્તાન સરકાર તરફથી અત્યાર સુધી કોઇ પગલાં લેવામાં આવ્યા નથી. કબજે કરેલા વિસ્તારો પર આતંકીઓનું સંપૂર્ણ નિયંત્રણ કબજે કરાયેલા વિસ્તારના લોકોએ જણાવ્યું કે, "શાલોબરના કંબરખેલ, આદમખેલ, લંડાવર અને થિરાઈ વિસ્તારમાં આતંકીઓ હાજર છે. આ સિવાય પીર મેળા અને ભૂતાન શરીફ વિસ્તારમાં પણ આતંકીઓ સક્રિય છે. હાલમાં તેઓ મુખ્ય માર્ગો અને બજારોમાં ખુલ્લેઆમ ફરી રહ્યા નથી." પીર મેળા વિસ્તારમાં આતંકવાદીઓ મુક્તપણે ફરતા હોવાના વીડિયો વાયરલ થઈ રહ્યા છે. આવી સ્થિતિમાં સુરક્ષા દળો પર કાર્યવાહી કરવાનું દબાણ વધી રહ્યું છે. પશ્તો ભાષામાં સોશિયલ મીડિયા પર

  Lateral Entry Row : કેન્દ્ર સરકારમાં ટોચના સરકારી પદો પર પરીક્ષા વગર જ સીધી લેટરલ એન્ટ્રીથી પસંદગીને લઇને વિવાદ વધી રહ્યો છે. તાજેતરમાં જ યુપીએસસીએ આવા કેટલાક પદો ભરવાની જાહેરાત કરી હતી. જેને પગલે હવે અનામતને બાયપાસ કરવામાં આવી રહી હોવાનો આરોપ થઇ રહ્યો છે. લોકસભામાં વિપક્ષના નેતા અને કોંગ્રેસના સાંસદ રાહુલ ગાંધીએ આ મામલે કેન્દ્ર સરકારને ઘેરી હતી. તેમણે જણાવ્યું હતું કે લેટરલ એન્ટ્રીથી સરકારી પદો આપી દેવાનો કેન્દ્ર સરકારનો નિર્ણય દેશના દલિતો, આદિવાસી અને ઓબીસી પર સીધો હુમલો છે.  કોંગ્રેસના નેતા રાહુલ ગાંધીએ કહ્યું હતું કે ભાજપનું તોડી મરોડીને તૈયાર કરાયેલુ રામ રાજ્ય બહુજનો પાસેથી અનામત છીનવી લેશે અને બંધારણનો નાશ વાળી દેશે. કેન્દ્ર સરકારે જ્યારથી લેટરલ એન્ટ્રીથી સિવિલ સર્વિસમાં ભરતી પ્રક્રિયા શરૂ કરી છે ત્યારથી વિવાદ વધી રહ્યો છે. રાહુલ ગાંધીએ કહ્યું હતું કે સરકારનું આ પગલુ રાષ્ટ્ર વિરોધી છે. જ્યારે કોંગ્રેસ અધ્યક્ષ મલ્લિકાર્જુન ખડગેએ કહ્યું હતું કે કેન્દ્ર સરકારના આ પગલા બાદ હવે ટોચના સરકારી પદો પર દલિત, આદિવાસી, ઓબીસી કે ઇડબલ્યુએસના લોકો નહીં પણ આરએસએસના લોકોની ભરતી કરવામાં આવશે.