EXAM PREPARATION

PM Modi speaks to Israel's PM Netanyahu : ભારતના વડાપ્રધાન નરેન્દ્ર મોદીએ ઇઝરાયલના વડાપ્રધાન બેન્ઝામિન નેતન્યાહૂ સાથે ફોન પર વાત કરી છે. આ અંગે વડાપ્રધાન મોદીએ ખુદ સોશિયલ મીડિયા પ્લેટફોર્મ પર માહિતી આપી છે. તેમણે કહ્યું કે, ભારત શાંતિ માટે પ્રતિબદ્ધ છે અને આપણી દુનિયામાં આતંકવાદ માટે કોઈ જગ્યા નથી. વડાપ્રધાન મોદીએ ઇઝરાયલના વડાપ્રધાન સાથે વાત કરવા અંગે માહિતી આપતા 'X' પર લખ્યું કે, ઇઝરાયલના વડાપ્રધાન બેન્ઝામિન નેતન્યાહૂ સાથે પશ્ચિમ એશિયામાં બની રહેલા ઘટનાક્રમો પર ચર્ચા થઈ. આપણી દુનિયામાં આતંકવાદ માટે કોઈ જગ્યા નથી. વિસ્તારમાં તણાવ રોકવા અને તમામ બંધકોની સુરક્ષિત મુક્તિ નક્કી કરવી મહત્વપૂર્ણ છે. ભારત શાંતિ અને સ્થિરતા જલ્દીથી જલ્દી સ્થાપવાના પ્રયાસનું સમર્થન કરવા માટે પ્રતિબદ્ધ છે. આ પહેલા ઈઝરાયલી વડાપ્રધાન બેન્ઝામિન નેતન્યાહૂએ સોમવારે ઈરાનની જનતાને સંબોધતા ઈરાની શાસનની આકરી નિંદા કરી. તેમણે કહ્યું કે, દરરોજ ઈરાનનું શાસન તમને દબાવી રહ્યું છે અને સમગ્ર વિસ્તારને યુદ્ધ અને અંધકારમાં ધકેલી રહ્યું છે. ઈરાનના નેતાઓની પ્રાથમિકતા જનતાનું કલ્યાણ નથી, પરંતુ લેબનાન અને ગાઝામાં નકામ

Tripura sons tied Mother with Tree and Burnt alive | પશ્ચિમ ત્રિપુરામાં બે પુત્રોએ 62 વર્ષીય માતાને ઝાડ સાથે બાંધીને કથિત રીતે સળગાવી દેવાનો ચોંકાવનારો કિસ્સો સામે આવ્યો છે. પોલીસ અધિકારીએ રવિવારે જણાવ્યું કે આરોપી પુત્રોની ધરપકડ કરવામાં આવી છે. પોલીસને આશંકા છે કે પારિવારિક વિવાદને કારણે આ ઘટનાને અંજામ આપવામાં આવ્યું હોઈ શકે છે.  ક્યાં બની હતી ઘટના?  પોલીસે જણાવ્યું કે આ ઘટના શનિવારે રાત્રે ચંપકનગર પોલીસ સ્ટેશન વિસ્તારના ખમારબારીમાં બની હતી. આશરે દોઢ વર્ષ પહેલા પતિનું અવસાન થતાં મહિલા તેના બે પુત્રો સાથે રહેતી હતી. તેમનો ત્રીજો પુત્ર અગરતલામાં રહે છે.  પોલીસે આ મામલે શું કહ્યું?  જીરનિયાના સબ-ડિવિઝનલ પોલીસ અધિકારી કમલ કૃષ્ણ કોલોઈએ જણાવ્યું હતું કે, “એક મહિલાને જીવતી સળગાવી દેવામાં આવી હોવાની માહિતી મળતાં પોલીસની ટીમ ઘટનાસ્થળે પહોંચી હતી અને ઝાડ સાથે બાંધેલી સળગી ગયેલી લાશને બહાર કાઢી હતી. મૃતદેહને પોસ્ટમોર્ટમ માટે હોસ્પિટલમાં મોકલવામાં આવ્યો છે. તેમણે કહ્યું કે અમે મહિલાના બે પુત્રોની આ કેસમાં કથિત સંડોવણી માટે ધરપકડ કરી છે.  આરોપી દીકરાઓને સોમવારે કોર્ટમાં રજૂ કરવામાં આવશે અને

કર્ણાટકમાં રેવન્નાના સેક્સ સ્કેન્ડલ બાદ ભાજપના નેતા પર ગંભીર આક્ષેપ મુનિરત્નાએ સરકારી કાર તેમજ ગોડાઉનમાં પણ શારીરિક શોષણ કર્યું, એક નેતાના પતિને ફસાવવા હની ટ્રેપ માટે ઉપયોગ કરાયો : મહિલાનો દાવો Karnataka BJP MLA Muniratna News | કર્ણાટકમાં એક મહિલાએ ભાજપના ધારાસભ્ય એન મુનિરત્ના નાયડૂ પર બળાત્કારનો આરોપ લગાવ્યો છે. મહિલાએ પોલીસ સમક્ષ કરેલી ફરિયાદમાં કહ્યું છે કે ભાજપના આ ધારાસભ્યએ મારા પર વિધાનસભામાં ઉપરાંત સરકારી કારમાં અને ગોડાઉન વગેરે સ્થળોએ અનેક વખત રેપ કર્યો હતો. એટલુ જ નહીં હની ટ્રેપ માટે મારા પર દબાણ પણ કરાયું હતું.  કર્ણાટકના આરઆર નગરથી ભાજપના ધારાસભ્ય એન મુનિરત્ના નાયડૂની અગાઉ બળાત્કાર અને હની ટ્રેપના મામલામાં ધરપકડ થઇ ચુકી છે, જે બાદ તેમને ન્યાયીક કસ્ટડીમાં મોકલવામાં આવ્યા હતા. હવે તેમને એસઆઇટીની કસ્ટડીમાં લઇ લેવાયા છે. મહિલાએ ધારાસભ્ય ઉપરાંત તેનો ગનમેન અને છ સહયોગીઓની સામે પણ ધમકાવવાના આરોપો લગાવ્યા છે. મહિલાએ કહ્યું હતું કે ધારાસભ્યએ મારો ઉપયોગ એક પૂર્વ કાઉન્સિલના પતિને હની ટ્રેપમાં ફસાવવા માટે મારો ઉપયોગ કર્યો હતો. આ પહેલા એક કોન્ટ્રાક્ટરે ભાજપના ધારાસભ્ય મુનિરત્ના પર

Heavy Rain in  Vadodara:  આજે (29મી સપ્ટેમ્બર)   વડોદરામાં વહેલી સવારે વાદળછાયા વાતાવરણ બાદ બપોરે વીજળીના કડાકા-ભડાકા સાથે ધોધમાર વરસાદ ત્રાટક્યો હતો. વડોદરા શહેરમાં પાંચ ઈંચ જેટલો વરસાદ પડતા અનેક વિસ્તારો પાણીમાં ગરકાવ થયા છે. કારેલીબાગ, રાવપુરા, સયાજીગંજ, અલકાપુરી સહિતના વિસ્તારમાં ધોધમાર વરસાદ પડ્યો છે. ભારે વરસાદના કારણે શહેરના અનેક નીચાણવાળા વિસ્તારોમાં પાણી ભરાઈ જતા વાહન વ્યવહારને અસર થઈ હતી. આજવા સરોવર, પ્રતાપપુરા સરોવર, વિશ્વામિત્રી નદીનાં જળસ્તરમાં વધારો થઈ રહ્યો છે. ત્યારે શહેરીજનોને ફરી વિશ્વામિત્રીના પૂરનો ડર સતાવી રહ્યો છે. લોકોએ પોતાની કાર સહિતના વાહનો વરસાદને કારણે શહેરના પુલો પર પાર્ક કરી દીધા છે. કેટલાક વિસ્તારમાં વરસાદ રોકાયા બાદ પાણી ભરાયેલા છે. હાલ, સમાચાર મળી રહ્યા છે કે, ઉપરવાસમાં વરસાદ બંધ થયો છે. ડેમના દરવાજા નહીં ખોલવામાં આવે આજવા સરોવર અને પ્રતાપ સરોવરના તમામ દરવાજા હાલમાં બંધ છે. ઉપરવાસમાં વરસાદ બંધ થતા દરવાજા હાલ ખોલવામાં આવશે નહીં. લોકોએ સાવચેત રહેવાની જરૂર છે ડરવાની જરૂર નથી. વડોદરા મ્યુનિસિપલ કોર્પોરેશનના જણાવ્યા અનુસાર, હાલ આજવા ડેમની સપાટી 213 ફૂટ છે

Chankyapuri Clash : અમદાવાદના ચાણક્યપુરી વિસ્તારના શિવમ આર્કેડ સોસાયટીમાં હથિયારધારી અસામાજિક તત્વોએ આંતક મચાવ્યો હોવાની ઘટના બની છે. તલવાર અને અન્ય હથિયાર લઈને સોસાયટીમાં ટોળુ ઘુસતા લોકોમાં ડર વર્યાઈ રહ્યો છે. સમગ્ર ઘટનાની જાણ પોલીસને થતા ઘટનાસ્થળે પહોંચીને કાર્યવાહી હાથ ધરી છે.   ચાણક્યપુરીમાં ટોળાએ ઘાતક હથિયાર સાથે ધમાલ મચાવી  મળતી માહિતી પ્રમાણે, ચાણક્યપુરીના શિવમ આર્કેડ સોસાયટીમાં અસામાજિક તત્વોના એક ટોળાએ હાથમાં તલવાર, પથ્થર અને અન્ય ઘાતક હથિયાર સાથે સોસાયટીમાં ઘૂસીને ધમાલ મચાવી હતી.  આ પણ વાંચો : VIDEO: મેઘરાજાની રડારમાં જૂનાગઢ : ગિરનાર પર્વત પર સાડા પાંચ ઈંચ વરસાદ ખાબક્યો, સાંજ સુધીમાં શહેર આખું પાણી પાણી સ્થાનિકોએ શું કહ્યું? સ્થાનિકોનું કહેવું છે કે, 'થોડા દિવસ પહેલા ભાડે રાખેલા મકાનમાં પાંચ લોકોએ દારુની મહેફિલ માણી હતી. આ પછી સોસાયટીમાં મહિલાની છેડતી કરી હતી. જેથી સિક્યુરિટી ગાર્ડ સહિતના લોકોએ તેમને પકડવાની કોશિશ કરી હતી, તો ત્રણ વ્યક્તિ ભાગી જઈને અન્ય 20થી વધુ લોકોના ટોળાને બોલાવીને બબાલ શરુ કરી હતી. જેમાં સિક્યુરિટીની કેબિન અને વાહનો નુકસાન પહોંચ્યું છે.'

India vs Bangladesh : ભારતીય ક્રિકેટ બોર્ડે શનિવારે બાંગ્લાદેશ વિરૂદ્ધ ત્રણ મેચની T20 સીરીઝ માટે ભારતની 15 સભ્યોની ટીમનું એલાન કરાયું છે. ટેસ્ટ સીરીઝ બાદ ભારત ગ્વાલિયર, નવી દિલ્હી અને હૈદરાબાદમાં ત્રણ T20 મેચ રમશે. ભારતના સ્ટાર ઓલરાઉન્ડર હાર્દિક પંડ્યાની વાપસી થઈ છે, જે T20 વર્લ્ડકપ ચેમ્પિયન જીતનારી ટીમનો ભાગ હતા. શ્રીલંકા વિરૂદ્ધ T20 સીરીઝમાં તેમને આરામ અપાયો હતો. ઈશાન કિશનને એકવાર ફરી નજરઅંદાજ કરાયો છે. ત્યારે ઋષભ પંતને બાંગ્લાદેશ વિરૂદ્ધ T20 સીરીઝ માટે આરામ અપાયો છે, જેમને હાલમાં જ ભારત માટે ત્રણેય ફોર્ટમાં લાંબા સમય બાદ વાપસી કરી હતી. બાંગ્લાદેશ વિરૂદ્ધ T20 સીરીઝ માટે સંજૂ સેમસન અને જિતેશ શર્મા વિકેટકીપર બેટ્સમેન તરીકે ઉતાર્યા. ફાસ્ટ બોલર મયંક યાદવને પહેલીવાર ભારતીય ટીમમાં જગ્યા મળી છે. સ્પિનર વરૂણ ચક્રવર્તી અંદાજિત ત્રણ વર્ષ બાદ ટીમમાં જગ્યા બનાવવામાં સફળ થયા છે. જોકે, કુલદીપ યાદવની આગામી સીરીઝ માટે ટીમમાં પસંદગી થઈ નથી. NEWS 🚨 - #TeamIndia ’s squad for T20I series against Bangladesh announced. More details here - https://t.co/7OJdTgkU5q #INDvBAN @IDFCFIRSTBank pic.twit

Shehbaz Sharif on Jammu Kashmir : ભારત તરફથી UNGAમાં પાકિસ્તાન તરફથી કાશ્મીર રાગ આલાપવા પર જડબાતોડ જવાબ અપાયો છે. શુક્રવારે (27 સપ્ટેમ્બર) ભારતે રાઇટ ટૂ રિપ્લાઈમાં કહ્યું કે, 'પાકિસ્તાન હજુ પણ અતીતમાં જીવી રહ્યું છે અને તે કાશ્મીરના મુદ્દે વેર-વિખેર થઈ ચૂક્યું છે. દુનિયાનો કોઈ દેશ તેનું સમર્થન નથી કરતો.' સરકારી સૂત્રોએ આ અંગે ખાનગી ન્યૂઝ એજન્સીને માહિતી આપી કે ભારત તરફથી જ્યારે કહેવાયું છે કે ત્યાં સુધી કે કાશ્મીરી પણ વિકાસ અને લોકશાહીના પક્ષમાં મતદાન કરી રહ્યા છે. પાકિસ્તાન જેટલું જલ્દી જમીની કહીકતનો સ્વીકાર કરી લેશે, પાકિસ્તાનના ભવિષ્ય માટે એટલું સારું રહેશે. પાકિસ્તાની પીએમએ કર્યો કાશ્મીરનો ઉલ્લેખ પાકિસ્તાનના પ્રધાનમંત્રી શહબાઝ શરીફે UNGAમાં સંબોધન દરમિયાન પેલેસ્ટાઈન અને જમ્મુ કાશ્મીરના મુદ્દાઓનો ઉલ્લેખ કર્યો. શહબાઝ શરીફે કહ્યું કે, 'કાશ્મીરનો મુદ્દે સંયુક્ત રાષ્ટ્ર પરિષદના એજન્ડામાં છે. શહબાઝ શરીફે ભારતના આંતરિક મામલાઓમાં પણ આ દરમિયાન દખલ કરવાના પ્રયાસ કર્યા. તેની સાથે જ ભારત પર કેટલાક ખોટા અને પાયાવિહોણા આરોપ પણ લગાવ્યા.' આ પણ વાંચો : OIC એ ફરી એકવાર કાશ્મીરનો

Muda Scam and CM siddaramaiah News |   કર્ણાટક સરકારે રાજ્યમાં કેસોની તપાસ કરવા માટે સીબીઆઇને આપેલ સંમતિ પરત લેવાનો નિર્ણય લીધો છે. હવે કેન્દ્રીય તપાસ એજન્સી રાજ્ય સરકારની પરવાનગી વગર કર્ણાટકમાં પ્રવેશ કરી શકશે નહીં.  મુખ્યપ્રધાન સિદ્ધારમૈયાની અધ્યક્ષતામાં મળેલ કેબિનેટ બેઠક પછી કાયદા અને સંસદીય કાર્ય પ્રધાન એચ કે પાટિલે જણાવ્યું છે કે દિલ્હી સ્પેશિયલ પોલીસ એસ્ટાબલિશમેન્ટ એક્ટ, 1946 હેઠળ કર્ણાટક રાજ્યમાં ગુનાહિત કેસોની તપાસ માટે  સીબીઆઇને સામાન્ય સંમતિ આપતું નોટિફિકેશન પરત લઇ લેવામાં આવ્યું છે.  આ નોટિફિકેશન એટલા માટે પરત લેવામાં આવ્યું છે કારણકે એક બાબત સ્પષ્ટ છે કે સીબીઆઇ અથવા કેન્દ્ર સરકાર પોતાના સાધનોનો ઉપયોગ કરતી વખતે તેનો વિવેકપૂર્ણ ઉપયોગ કરતી નથી.  તેથી અમે દરેક કેસની સમીક્ષા કર્યા પછી સંમતિ આપીશું. સામાન્ય સંમતિ પરત લઇ લેવામાં આવી છે.  એચ કે પાટિલે જણાવ્યું હતું કે અમે સીબીઆઇને આપેલ સંમતિ પરત લઇ રહ્યાં છીએ. અમે રાજ્યમાં સીબીઆઇના દુરુપયોગ પર ચિંતા વ્યક્ત કરી રહ્યાં છીએ.  જ્યારે પત્રકારોએ તેમને પૂછ્યું કે શું એમયુડીએ કેસમાં મુખ્યપ્રધાન સિદ્ધારમૈયાને બચાવવા માટે આ નિર્ણય લેવામ

Israel-Hezbollah War: ઇઝરાયેલી સેના લેબેનોનમાં ગ્રાઉન્ડ એટેક કરવાની તૈયારી કરી રહી છે. આ દરમિયાન, અમેરિકા અને ફ્રાન્સ સહિત વિશ્વના ઘણા દેશોએ ઇઝરાયેલ અને હિઝબુલ્લાને 21 દિવસ માટે યુદ્ધવિરામની અપીલ કરી હતી, પરંતુ ઈઝરાયેલના વડાપ્રધાન બેન્જામિન નેતન્યાહુના કાર્યાલયે ગુરુવારે (26 સપ્ટેમ્બર) જણાવ્યું કે, યુદ્ધવિરામનો પ્રસ્તાવ અમેરિકા અને ફ્રાન્સનો છે. વડાપ્રધાને હજુ સુધી આ અંગે કોઈ પ્રતિક્રિયા આપી નથી. વડાપ્રધાને ઈઝરાયેલની સેનાને હિઝબુલ્લા સામેની લડાઈ પૂરી તાકાત સાથે ચાલુ રાખવાનો આદેશ આપ્યો છે. યુદ્ધ કોઈના હિતમાં નથી અમેરિકાના રાષ્ટ્રપતિ જો બાઇડેન અને ફ્રાન્સના રાષ્ટ્રપતિ ઈમેન્યુઅલ મેક્રોન સહિત અન્ય કેટલાક દેશોએ તેમના સંયુક્ત નિવેદનમાં કહ્યું કે, 'યુદ્ધ ઈઝરાયેલ અને લેબેનોન બંનેમાંથી કોઇના પણ હિતમાં નથી.' આ ઉપરાંત તેમણે રાજદ્વારી ઉકેલ માટે હિઝબુલ્લા અને ઈઝરાયેલને તાત્કાલિક 21 દિવસના યુદ્ધવિરામ માટે અપીલ પણ કરી હતી. જો કે, ઇઝરાયેલે અમેરિકા અને ફ્રાન્સના આ પ્રસ્તાવને ફગાવી દીધો છે. આ પણ વાંચોઃ વિશ્વનો સૌથી મોટો ચીનનો ડેમ ભારત માટે ખતરો, પૃથ્વીનું પરિભ્રમણ પણ ધીમું પાડતો હોવાનો દાવ

મુલુંડભાંડુપ, વિક્રોલી , ઘાટકોપર, માનખુર્દના પટ્ટામાં સૌથી વધુ ખાનાખરાબી ભાંડુપ-કુર્લા સહિતના  સ્ટેશનોએ ટ્રેક પર પાણી આવી જતાં ટ્રેનો બંધ, ફલાઈટ્સને પણ અસરઃ આજે શાળાઓમાં રજા જાહેરઃ  સાંજે ઘરે પાછા ફરનારા લાખો લોકો અટવાયાઃ  રસ્તાઓ પર ઘૂંટણ સમા પાણી અચાનક ભારે વરસાદથી ઉંઘતું ઝડપાયેલું પાલિકા તંત્ર પાણી   ઉલેચવા માટે  દોડયું,  રેડ એલર્ટના કારણે પાલિકા તંત્રને આખી રાત અધિકારીઓને રાતભર સાબદા રખાયા મુંબઈ :  મુંબઈમાં છેલ્લા બે દિવસથી શરુ થયેલાં ભારે વરસાદી ઝાપટાઓના સિલસિલામાં સેન્ટ્રલ અને પૂર્વના પરાંઓમાં અતિશય ભારે વરસાદ ખાબક્યો હતો. સાંજ પછી તો સમગ્ર મુંબઈમાં ધુંઆધાર વરસાદ શરુ થઈ ગયો હતો. ભાંડુપ, મુલુંડ, ઘાટકોપર, વિક્રોલી, માનખુર્દ સહિતના વિસ્તારોમાં છથી આઠ ઈંચ કરતાં પણ વધુ વરસાદ પડી જતાં તમામ માર્ગો જળબંબાકાર થઈ ગયા હતા. કુર્લા અને ભાંડુપ  સહિતના સ્ટેશનોએ  ટ્રેક પર પાણી આવી જતાં સેન્ટ્રલની ટ્રેનો બંધ કરાઈ હતી. જોકે, વેસ્ટર્ન લાઈન પર અડધા કલાક જેવા વિલંબ સાથે ટ્રેનો દોડતી રહી હતી.  મુંબઈમાં  હવામાન ખાતાંએ ગુરુવાર સવાર સુધીનો રેડ એલર્ટ જાહેર કર્યો છે. આજે  બપોર પછી શહેરમાં પરિસ્થિતિ એકા

- ઇઝરાયેલની સેના લેબનોનમાં જમીન માર્ગે ઘૂસવા તૈયાર - લેબનોનમાં ઇઝરાયેલની એરસ્ટ્રાઇકમાં 26 હુમલામાં 51ના મોત, હિઝબુલ્લાહે પણ 300 રોકેટ છોડયા - ઇઝરાયેલે તાજેતરના હુમલા પછી રિઝર્વ ગ્રૂપને સક્રિય કર્યા, તેની બે બટાલિયોનોને બોલાવવામાં આવશે નવી દિલ્હી : ઇઝરાયેલ સાથે ચાલતા સંઘર્ષમાં આતંકવાદી સંગઠન હિઝબુલ્લાહે પહેલી જ વાર તેલ અવીવમાં હુમલો કર્યો છે. તેના લીધે ઇઝરાયેલ હચમચી ગયું છે. તેના લીધે તેલઅવીવમાં હાઈ એલર્ટ છે. તેલ અવીવમાં આખી રાત ચેતવણીની સાઇરન વાગતી રહી હતી. જો કે કેટલાય રોકેટને ઇઝરાયેલની એર ડિફેન્સ સિસ્ટમે ખતમ કરી દીધા હતા. જો કે મિસાઇલને હવામાં જ ખતમ કરી દેવાતા મોસાદને નુકસાન થયું નથી.  ઇઝરાયેલે પોતાની ડેવિડ સ્લિંગ નામની એર ડિફેન્સ સિસ્ટમ વડે મિસાઇલને હવામાં જ ઉડાવી દીધું હતું. આ એક મધ્યમ અંતરનુ બેલિસ્ટિક મિસાઇલ છે જેને ટૂંકા અંતરના મિસાઇલોને રોકવા માટે ડિઝાઇન કરવામાં આવ્યું છે. આઇડીએફનું કહેવું છે કે જે સ્થળેથી રોકેટ છોડવામાં આવ્યા હતા ત્યાં તેણે એરસ્ટ્રાઇક કરી છે અને લોન્ચરને ખતમ કરી નાખ્યું છે. આઇડીએફના પ્રવક્તાએ જણાવ્યું હતું કે મંગળવારે ઇઝરાયેલે ૩૦૦ રોકેટ છોડયા હતા.  હિઝબુલ

Maharashtra Jitiya vrat Incident: મહારાષ્ટ્રના છત્રપતિ સંભાજી નગરમાં જિતિયા વ્રત ટાણે મોટી દુર્ઘટના ઘટી છે. અહીં બે અલગ અલગ ઘટનામાં તળાવમાં સ્નાન કરતી વખતે ડૂબવાથી આઠ બાળકોના મોત થયા છે, જ્યારે બે બાળકીઓને બચાવી લેવાઇ હતી. આ ઘટનાથી સમગ્ર શહેરમાં શોકની લાગણી પ્રસરી ગઇ છે. ઘટનાની જાણકારી મળતા જ સ્થાનિક વહિવટી તંત્રની ટીમો ઘટનાસ્થળ પર પહોંચી હતી અને ગ્રામીણ લોકોની મદદથી બાળકોના મૃતદેહોને પોસ્ટમોર્ટમ માટે હોસ્પિટલ મોકલ્યા હતા.  મૃત બાળકોની ઓળખ થઇ મળતી જાણકારી મુજબ, મદનપુરના બારુણ પ્રખંડમાં બે અલગ અલગ ઘટનામાં ડૂબી જતા 9 બાળકોના મોત થયા છે. બારુણ પ્રખંડના જિતિયા ઉત્સવને લઇને પાંચ બાળકો તળાવમાં સ્નાન કરવા ગયા હતા. જ્યાં સ્નાન કરતી વખતે એક પછી એક બધા બાળકો લપસીને ડૂબવા લાગ્યા હતા. આ સમયે ત્યાં હાજર અન્ય બાળકોએ હોબાળો કરતાં ગ્રામીણ લોકો બાળકોને બચાવવા તળાવમાં કૂદ્યા હતા. જો કે, તેઓ એક 16 વર્ષીય બાળકી સિવાય અન્યને બચાવવામાં નિષ્ફળ ગયા હતા. હાલ મૃતક બાળકોની ઓળખ કરવામાં આવી છે. જેમાં 9 વર્ષ અને 11 વર્ષની બે સગી બહેનો, એક 12 વર્ષીય બાળકી અને એક 10 વર્ષીય બાળકી સામેલ છે. બીજી ઘટનામાં, મદનપુરના

Joe Biden Speech in UN: અમેરિકાના રાષ્ટ્રપતિ જો બાઇડેને મંગળવારે (24 સપ્ટેમ્બર) સંયુક્ત રાષ્ટ્ર મહાસભાના 79માં સત્રને સંબોધિત કર્યો હતો. આ દરમિયાન તેમણે રશિયાના રાષ્ટ્રપતિ વ્લાદિમીર પુતિન પર આકરા પ્રહાર કર્યા હતા. રશિયા-યુક્રેન યુદ્ધનો ઉલ્લેખ કરતા તેમણે કહ્યું કે, 'અમે આક્રમકતા વિરૂદ્ધ મજબુતાઇથી ઉભા છીએ અને અમે વધતા સંઘર્ષોને પણ ખતમ કરીશું. જ્યારે રશિયાએ યુક્રેન પર હુમલો કર્યો તો અમે માત્ર વિરોધ કરી કામ ચલાવી શકતા હતા, પરંતુ ઉપરાષ્ટ્રપતિ કમલા હેરિસ અને મેં આ યુદ્ધની ગંભીરતા સમજી અને અમે તેમજ અમારા નાટો સહયોગી 50થી વધુ દેશો આના વિરોધમાં ઉભા થયા, સારા સમાચાર એ છે કે વ્લાદિમીર પુતિનનો યુદ્ધ નિષ્ફળ થઇ ગયો, યુક્રેન હજુ પણ સ્વતંત્ર છે.' અફઘાનિસ્તાનનો કર્યો ઉલ્લેખ યુએન મહાસભામાં અફઘાનિસ્તાનનો ઉલ્લેખ કરતા તેમણે કહ્યું કે, 'રાષ્ટ્રપતિ ઓબામાના ઉપપ્રમુખ તરીકે તેમણે મને ઇરાકમાં લશ્કરી અભિયાનને સમાપ્ત કરવા માટે કામ કરવા કહ્યું અને અમે એના પર અમલ કર્યો. જ્યારે હું રાષ્ટ્રપતિ તરીકે સત્તામાં આવ્યો ત્યારે અફઘાનિસ્તાને અમેરિકાના સૌથી લાંબા યુદ્ધ તરીકે વિયેતનામને પાછળ છોડી દીધું હતું. હુ

Maharashtra Assembly Elections 2024: વર્ષ 2024ના અંત સુધીમાં જમ્મુ-કાશ્મીર અને હરિયાણાની ચૂંટણી પછી ચૂંટણી પંચ મહારાષ્ટ્ર વિધાનસભા ચૂંટણીની જાહેરાત કરી શકે છે. એવામાં રાજ્યની મહાયુતિ સરકારે ત્રણ મોટી જાહેરાત કરી છે જે ચૂંટણીના પરિણામો બદલી શકે છે.  બ્રાહ્મણ અને રાજપૂતો સમુદાયને આપી ભેટ  મહારાષ્ટ્રની એકનાથ શિંદે સરકારે સોમવારે બ્રાહ્મણ સમુદાયના આર્થિક રીતે નબળા વર્ગ માટે 'પરશુરામ આર્થિક વિકાસ નિગમ' અને રાજપૂતો સમુદાયના આર્થિક રીતે નબળા વર્ગ માટે 'વીર શિરોમણી મહારાણા પ્રતાપ આર્થિક વિકાસ નિગમ' ની રચના કરવાની મંજૂરી આપી છે. બંને નિગમ માટે કેબિનેટે 50-50 કરોડ રૂપિયાની ફાળવણી કરી છે. જેથી આ વર્ગ માટે કૌશલ્ય વિકાસ અને સ્વ-રોજગારની તકો ઉભી કરીને તેમને આર્થિક સહાય  કરી શકાય. સરકારના આ પગલાથી ભાજપની આગેવાની હેઠળના ગઠબંધનને ચૂંટણીમાં ફાયદો થઈ શકે છે. આ પણ વાંચો: હવે મુંબઈના સિદ્ધિવિનાયક મંદિરના લાડુની શુદ્ધતા પર ઉઠ્યા સવાલ, જાણો શું થયો વિવાદ પુણે એરપોર્ટનું નામ બદલાયું  લોહેગાંવ એરપોર્ટના નામે ઓળખાતું પુણે એરપોર્ટ હવે જગદગુરુ સંત તુકારામ મહારાજ ઈન્ટરનેશનલ એરપોર્ટ તરીકે ઓળખ

PM Modi Addresses UN 'Summit of the Future' : વડાપ્રધાન નરેન્દ્ર મોદી ત્રણ દિવસીય અમેરિકાની મુલાકાતે છે. આ દરમિયાન તેમની અમેરિકન રાષ્ટ્રપતિ જો બાઈડેન સાથે અને ક્વાડ સમૂહના નેતાઓ સાથે બેઠક થઈ હતી. ત્યારબાદ આજે (23 સપ્ટેમ્બર 2024) વડાપ્રધાન મોદીએ UN (સંયુક્ત રાષ્ટ્ર) મહાસભામાં સંબોધન કર્યું. આ દરમિયાન તેમણે કહ્યું કે, ભારતમાં 25 કરોડ લોકો ગરીબીથી બહાર નીકળ્યા છે. પીએમ મોદીએ કહ્યું કે, જૂનમાં હાલમાં માનવ ઇતિહાસની સૌથી મોટી ચૂંટણીમાં ભારતના લોકોએ મને સતત ત્રીજી વખત સેવાનો મોકો આપ્યો છે અને આજે હું આ વન સીટ ઓફ હ્યુમેનિટીનો અવાજ આપ સુધી પહોંચવા માટે આવ્યો છું. જ્યારે આપણે ગ્લોબલ ભવિષ્યની વાત કરી રહ્યા છીએ તો હ્યૂમન એપ્રોચ સર્વપ્રથમ હોવું જોઈએ. સસ્ટેનેબલ ડેવલપમેન્ટને પ્રાથમિકતા આપતા આપણે માનવ કલ્યાણ, ફૂડ, હેલ્થ, સુરક્ષા સુનિચ્છિત કરવી પડશે. 'ભારતમાં 25 કરોડ લોકો ગરીબીમાંથી બહાર નીકળ્યા' ભારતમાં 250 મિલિયન લોકોને ગરીબીથી બહાર કાઢીને એ બતાવ્યું છે કે, સસ્ટેનેબલ કેબ બી સક્સેસફુલ. સક્સેસમાં અમારો એ અનુભવ અમે ગ્લોબલ સાઉથની સાથે શેર કરવા માટે તૈયાર છીએ. 'વૈશ્વિક શાંતિ માટે

Chandrababu Naidu Said Cleansing To All Temples : આંધ્ર પ્રદેશના મુખ્યમંત્રી એન. ચંદ્રબાબુ નાયડુએ તેલુગુ દેશમ પાર્ટીના કેન્દ્રીય કાર્યાલયમાં મીડિયાને સંબોધિત કરતી વખતે તિરૂપતિ પ્રસાદ વિવાદને લઈને નિવેદન આપતા કહ્યું હતું કે, 'રાજ્યના તમામ મંદિરોમાં 'સફાઈ કાર્યવાહી' ટૂંક સમયમાં શરૂ કરવામાં આવશે.' તેમણે ધાર્મિક લાગણીઓને માન આપવાની રાજ્ય સરકારની પ્રતિબદ્ધતાનો પણ પુનરોચ્ચાર કર્યો હતો.  મુખ્યમંત્રીએ શું કહ્યું? મુખ્યમંત્રીએ કહ્યું કે, 'તિરુપતિના લાડુમાં પશુની ચરબીની ભેળસેળના વિવાદ બાદ સરકાર ભવિષ્યની કાર્યવાહી અંગે હિન્દુ ધર્મના સંતો, પાદરીઓ અને અન્ય ટોચના નિષ્ણાતોની સલાહ લેશે. જેમાં પરામર્શ પછી સરકાર તિરુમાલા તિરુપતિ દેવસ્થાન (TTD) અંગે પોતાનો નિર્ણય લેશે, જે તિરુપતિમાં વિશ્વ પ્રસિદ્ધ શ્રી વેંકટેશ્વર સ્વામી મંદિરના સત્તાવાર સંરક્ષક છે.' આ પણ વાંચો :  તિરૂપતિ પ્રસાદ વિવાદ: પૂર્વ CM જગન રેડ્ડીએ PM મોદીને પત્ર લખી કરી આ માંગ અગાઉની સરકારે શ્રી વેંકટેશ્વર મંદિરને પણ ન છોડ્યું નેશનલ ડેમોક્રેટિક એલાયન્સ (NDA)ની ધારાસભ્ય દળની બેઠક દરમિયાન મુખ્યમંત્રી નાયડુએ મોટો દાવો

India USA News:  અમેરિકાના ભારતીય દૂતાવાસમાં એક અધિકારીનું રહસ્યમય સંજોગોમાં નિધન થયું છે. આ અંગે સમાચાર સંસ્થાઓ જણાવે છે કે, આ નિધન અંગે સ્થાનિક પોલીસ તથા આંતરિક ગુપ્તચર એજન્સી એફ.બી.આઈ. (ફેડરલ બ્યુરો ઓફ ઇન્વેસ્ટિગેશન) તપાસ ચલાવી રહી છે. બુધવારે બનેલી આ ઘટના પાછળ રહેલા વિવિધ કારણો શોધાઈ રહ્યાં છે. એક કારણ તેવું પણ લાગે છે કે, મૃતકે આત્મહત્યા પણ કરી હોય તો તે માટે કારણો શોધાઈ રહ્યાં છે. ભારતીય દૂતાવાસે જણાવ્યું હતું કે, 'એક અધિકારીનું નિધન થયું છે, દૂતાવાસમાં જ નિધન થયું છે.' પરંતુ તેથી વિશેષ કશું કહેવામાં આવ્યું નથી. દૂતાવાસે એક સત્તાવાર નિવેદનમાં જણાવ્યું હતું કે, 'ઘણાં દુ:ખ સાથે અમે જણાવીએ છીએ કે દૂતાવાસના એક અધિકારીનું 18 સપ્ટેમ્બર 2024ના દિને સાંજે નિધન થયું છે.' અમે તેઓનાં કુટુમ્બીજનો અને સંબંધિત સંસ્થાઓનાં સંપર્કમાં છીએ. તે દિવંગત અધિકારીનો નશ્વર દેહ ભારત પહોંચાડવાની તજવીજ ચાલી રહી છે. આ સાથે દૂતાવાસે જણાવ્યું હતું કે, 'દિવંગતનાં કુટુમ્બીજનોની લાગણીને લક્ષ્યમાં રાખી અમો વધુ વિગતો જણાવી શકીએ તેમ નથી. અમારી ભાવનાઓ અને પ્રાર્થનાઓ દિવંગતનાં કુટુમ્બીજનો સાથે

Tirupati Temple Prasadam: આંધ્ર પ્રદેશના તિરુપતિ બાલાજી મંદિરના પ્રસાદને લઈને વિવાદ ચાલી રહ્યો છે. પ્રસાદીમાં પશુઓની ચરબી અને માછલીનું તેલ વપરાતું હોવાનો ઘટસ્ફોટ થયો છે. એવામાં હવે મીડિયા અહેવાલ અનુસાર અયોધ્યાના શ્રી રામ મંદિરના મુખ્ય પૂજારી આચાર્ય સત્યેન્દ્ર દાસે દાવો કર્યો છે કે આ વર્ષની શરુઆતમાં મંદિર પ્રાણ પ્રતિષ્ઠા મહોત્સવ દરમિયાન તિરુપતિ મંદિરનો પ્રસાદ વહેંચવામાં આવ્યો હતો. સત્યેન્દ્ર દાસે જણાવ્યું છે કે તિરુપતિ મંદિર તરફથી 300 કિગ્રા પ્રસાદ મોકલવામાં આવ્યો હતો જે ભક્તોમાં વહેંચવામાં આવ્યો હતો. પ્રસાદમાં ભેળસેળ કરતાં લોકો સામે કડકમાં કડક કાર્યવાહી થવી જોઈએ. મુખ્ય પુજારી દાસે કહ્યું કે, વૈષ્ણવ સંતો અને ભક્તો લસણ અને પ્યાજનો પણ ઉપયોગ નથી કરતાં અને એવામાં પ્રસાદમાં એનિમલ ફેટનો ઉપયોગ ખૂબ જ દુર્ભાગ્યપૂર્ણ છે. આ હિન્દુઓની આસ્થા સાથે મઝાક છે. આ આરોપોની તપાસ કોઈ કેન્દ્રીય તપાસ એજન્સીએ કરવી જોઈએ અને આરોપ પુરવાર થતાં અપરાધીઓ વિરુદ્ધ કડકમાં કડક કાર્યવાહી થવી જોઈએ. આ પણ વાંચોઃ 18 હજાર કરોડની FD, હજારો કિલો સોનું: પ્રસાદના કારણે વિવાદમાં આવેલ તિરુપતિ મંદિરમાં અબજો રૂપિયા ચઢાવે છે ભક્તો શ

Mallikarjun Kharge Slams BJP : જમ્મુ કાશ્મીર ચૂંટણી ટાણે ભાજપ અને કોંગ્રેસ બંને એક બીજા પર આરોપ-પ્રત્યારોપ કરી રહ્યા છે. ભાજપે આરોપ કર્યો હતો કે કોંગ્રેસ પાકિસ્તાન સાથે વાતચીત ફરી શરૂ કરવા માંગે છે. હવે કોંગ્રેસ અધ્યક્ષ મલ્લિકાર્જૂન ખડગેએ આ અંગે ભાજપ પર પલટવાર કર્યો છે. ખડગેએ શનીવારે (21 સપ્ટેમ્બર) જમ્મુમાં ભાજપ પર પ્રહાર કરતા કહ્યું કે કે, 'અમે બિરયાની ખાવા પાકિસ્તાન નહોતા ગયા હતા.' શું બોલ્યા મલ્લિકાર્જૂન ખડગે? જમ્મુમાં મીડિયાને સંબોધતી વખતે ખડગેએ કહ્યું કે, 'પીએમ મોદી અને ગૃહ મંત્રી અમિત શાહ કહી રહ્યા છે કે કોંગ્રેસ પાકિસ્તાન સાથે વાતચીત ફરી શરૂ કરવા માંગે છે, આ બધું તેમનું જુઠ્ઠાણું છે. તેઓ મુદ્દાને ભટકાવવા માંગે છે. અમે તો ક્યારેય બિરયાની ખાવા અને તેમનાથી ગળે મળવા નહોતા ગયા. તેઓ પ્રેમ અમારી સાથે અને લગ્ન પાકિસ્તાન સાથે કરે છે.' નોંધનીય છે કે, ગૃહ મંત્રી અમિત શાહે એક રેલીમાં કોંગ્રેસ પર નિશાન સાધતાં કહ્યું હતું કે કોંગ્રેસ પાકિસ્તાન સાથે વાતચીત ફરી શરૂ કરવા માંગે છે. આ પણ વાંચોઃ બેંગલુરુમાં શ્રદ્ધા વાલ્કર જેવો હત્યાકાંડ! યુવતીની હત્યા બાદ કર્યા 32 ટુકડા, ફ્રિઝ

- ભાજપની લીલા : 400 કરોડનું ફુલેકું ફેરવાનરો કૌભાંડી અને 4000 કરોડનું કરી નાખનાર મધુકોડા પવિત્ર - કઠણાઈ : મોદી સાહુના ભ્રષ્ટાચારની વાતો કરતા હતા ને કોડા સ્ટેજ પર બેઠા બેઠા મૂછમાં મલકાતા હતા જમશેદપુર : વડાપ્રધાન નરેન્દ્ર મોદીએ જમશેદપુરની સભામાં ભ્રષ્ટાચારના મુદ્દે ફરી એક વાર અનોખી લીલાનું પ્રદર્શન કર્યું હતું. મોદીએ કોંગ્રેસના ઝારખંડના રાજ્યસભાના સાંસદ ધીરજ સાહુને ત્યાંથી મળેલી 350 કરોડ રૂપિયાની રોકડ અંગે કોંગ્રેસ પર આકરા પ્રહારો કરીને કોંગ્રેસને ભ્રષ્ટાચારી પાર્ટી ગણાવી. બીજી તરફ તેમની સાથે મંચ પર 3400 કરોડ રૂપિયાના ભ્રષ્ટાચારમાં દોષિત ઠરેલા અને ત્રણ વર્ષ જેલમાં ગાળી આવેલા ઝારખંડના ભૂતપૂર્વ મુખ્યમંત્રી મધુ કોડા બેઠા હતા. ભાજપ ભૂતકાળમાં મધુ કોડાને ભ્રષ્ટાચારના પ્રતિક પુરૂષ તરીકેનું બિરૂદ આપીને તેમના પર પ્રહારો કરી ચૂક્યા છે પણ અત્યારે મોદી સાથે સ્ટેજ પર બેસતાં જ કોડા પવિત્ર થઈ ગયા.  વાત જાણે એવી છે કે, ભાજપ દ્વારા અદ્વિતિય રાજકીય વિકાસના ભાગરૂપે વિસાવાયેલા મોડિફાઈડ વોશિંગ મશિનમાં પ્રવેશ કરતાની સાથે જ વિપક્ષના નેતાઓના પાપ ધોવાઈ જાય છે અને તેઓ ભાજપમાં સ્વચ્છ છબી સાથે વિકાસપુરુષનું પદ

MVA Important Meeting : મહારાષ્ટ્રમાં યોજાનારી વિધાનસભા ચૂંટણીને લઈને મહાવિકાસ અઘાડી (MVA) વચ્ચે બેઠકોની વહેંચણીને લઈને બાંદ્રાની સોફિટેલ હોટલમાં એક મહત્વપૂર્ણ બેઠક યોજાઈ હતી. બેઠકમાં ઉદ્ધવ જૂથમાંથી સંજય રાઉત અને અનિલ દેસાઈ, કોંગ્રેસ તરફથી નાના પટોલે, વિજય વડેટ્ટીવાર અને બાળાસાહેબ થોરાટ, જ્યારે શરદ જૂથમાંથી જયંત પાટીલ અને જિતેન્દ્ર આવ્હાડ હાજર રહ્યાં હતા. જેમાં આ બેઠક લગભગ ચાર કલાક સુધી ચાલી હતી. મહારાષ્ટ્રમાં ચૂંટણીમાં બેઠકોને લઈને ચર્ચા મળતી માહિતી પ્રમાણે, મહાવિકાસ આઘાડીના નેતાઓએ વિદર્ભ પ્રદેશ સિવાય મહારાષ્ટ્રમાં બેઠકોની વહેંચણી પર ચર્ચાનો પ્રથમ રાઉન્ડ પૂર્ણ કર્યો છે. ત્રણ ઘટક પક્ષો મહારાષ્ટ્રની કુલ 288 વિધાનસભા બેઠકોમાંથી 120 થી 130 બેઠકો પર સહમત થયા છે. જેમાં 2019 વિધાનસભા ચૂંટણીમાં જે પાર્ટીએ જીતી મેળવી હતી, તે જ બેઠક પર ફરીથી ચૂંટણી લડશે. જો કે, અગાઉ જીતેલી બેઠકોમાંથી લગભગ 10 થી 20 ટકાની અદલાબદલી થશે. આ પણ વાંચો : VIDEO: હિંસક થઈ હરિયાણા ચૂંટણી: કોંગ્રેસ ઉમેદવારના કાફલા પર ફાયરિંગ, બે લોકો ઈજાગ્રસ્ત વિવાદીત બેઠકો પર MVAના ત્રણેય પક્ષોની સહમતિથી નિર્ણય કરશે 4 કલાક સુધી ચાલ

FIR Against Rahul Gandhi: લોકસભામાં વિપક્ષના નેતા રાહુલ ગાંધીએ અમેરિકા મુલાકાત દરમિયાન અનામત મુદ્દે આપેલું નિવેદન તેમની મુશ્કેલી વધારી શકે છે. રાહુલ ગાંધીના SC-ST અને OBC અનામત પર આપેલા નિવેદન વિરૂદ્ધ ભાજપના અનુસૂચિત જાતિ મોર્ચાના અધ્યક્ષ મોહન લાલ અને અનુસૂચિત જનજાતિ મોર્ચાના સભ્ય સીએલ મીનાએ રાહુલ ગાંધી વિરૂદ્ધ ત્રણ પોલીસ સ્ટેશનમાં ફરિયાદ નોંધાવી છે. રાહુલ ગાંધીના આ નિવેદન પર થયો વિવાદ જણાવી દઇએ કે, રાહુલ ગાંધીએ તેમના અમેરિકા પ્રવાસ દરમિયાન વોશિંગ્ટન ડીસીમાં જ્યોર્જટાઉન યુનિવર્સિટીમાં યોજાયેલા કાર્યક્રમ દરમિયાન એક નિવેદન આપ્યું હતું , જેના પર ભારે વિવાદ થયો હતો. રાહુલ ગાંધીએ કહ્યું હતું કે, 'જ્યારે ભારત એક નિષ્પક્ષ જગ્યા બની જશે ત્યારે કોંગ્રેસ અનામત ખતમ કરવા વિચાર કરશે. ભારત અત્યારે નિષ્પક્ષ જગ્યા નથી. ભારતમાં 90 ટકા આબાદી દલિત, પછાત વર્ગ અને આદિવાસીઓની છે, જે આ રમતમાં સામેલ જ નથી.' આ પણ વાંચોઃ ‘અમે તેને હિન્દુ નથી માનતા...’ શંકરાચાર્ય અવિમુક્તેશ્વરાનંદે PM મોદીનો ઉલ્લેખ કરી નિવેદન આપતા હોબાળો જાતિગત વસ્તી ગણતરી અંગે શું કહ્યું હતું? આ દરમિયાન તેમણે જાતિગત વસ્તી ગણતરી

- લેબનોનમાં સતત બીજા દિવસના હુમલામાં 9ના મોત, 300થી વધુ ઘાયલ - પેજર બાદ વોકીટોકી, સોલર સિસ્ટમ વિસ્ફોટ - લેબનોન સરહદે ઇઝરાયેલે 20 હજારથી પણ વધારે જવાનો ખડકી દીધા, સૂચના મળતા જ ત્રાટકવા તૈયાર - પેજર હુમલા પછી હીઝબુલ્લાહે ઇઝરાયેલ પર હજારો રોકેટ એકસાથે છોડયા, આયર્ન ડોમે નષ્ટ કરી દીધા - હીઝબુલ્લાહ અને ઇઝરાયેલી દળો વચ્ચે 8મી ઓક્ટોબર પછી નિયમિત રીતે સરહદ પર ગોળીબાર ચાલતો રહે છે. બૈરુત : આતંકવાદી સંગઠનોને તેમની જ ભાષામાં જવાબ આપવા માટે જાણીતા ઇઝરાયેલે ગઈકાલે હીઝબુલ્લાહના આતંકવાદીઓેને મંગળવારે પેજર બ્લાસ્ટ પછી આજે વોકીટોકી બ્લાસ્ટનો સ્વાદ ચખાડયો છે. બુધવારે લેબનોન પર ઇઝરાયેલા વોકીટોકી હુમલામાં નવના મોત થયા છે અને ૩૦૦થી વધુ ઇજા પામ્યા છે. આ આંકડો વધી પણ શકે છે. હુમલાના નવા સ્વરૂપે હીઝબુલ્લાહને સ્તબ્ધ કરી દીધુ છે.  લેબનોનમાં કેટલાય સ્થળોએ પેજર પછી વોકીટોકી બ્લાસ્ટ થવાના લીધે રીતસરનો ભયનો માહોલ છે. ઇઝરાયેલને હંફાવવા થનગની રહેલા હીઝબુલ્લાહ પોતે અત્યારે ઇઝરાયેલના નવા પ્રકારના હુમલાઓનો સામનો કેવી રીતે કરવો તેની વિમાસણમાં પડી ગયું છે. હીઝબુલ્લાહના ત્રણ ફાઇટરો અને એક બાળકના મોતના અંતિમ સંસ્કાર

Train Accident In Mathura And Bihar : મથુરા જિલ્લાના વૃંદાવન રેલવે સ્ટેશનથી લગભગ 800 મીટર દૂર માલગાડીના 20 થી વધુ ડબ્બા પાટા પરથી ઉતરી ગયાની ઘટના બની છે. બીજી તરફ, બિહારના મુઝફ્ફરપુરના નારાયણપુર અનંત સ્ટેશન પાસે પણ આવી જ એક ઘટનામાં ટ્રેનના 4 ડબ્બા પાટા પરથી ઉતરી જતા 13 જેટલી ટ્રેનોના રૂટ બદલવામાં આવ્યા છે. આ પણ વાંચો :  VIDEO: બિહારના નવાદામાં ટોળાનું આડેધડ ફાયરિંગ, 80 ઘરોને ચાંપી આગ, પોલીસનો કાફલો ખડકાયો પશ્ચિમ તરફના મુખ્ય રૂટને થઈ અસર વૃંદાવનમાં કોલસો લઈને જઈ રહેલી માલગાડીના અકસ્માતની ઘટના રાત્રે 8 વાગ્યાની આસપાસ બની હતી. આ ટ્રેન અકસ્માતની ઘટનામાં કોઈ પ્રકારે જાનહાનિના થઈ ન હતી. જેમાં પશ્ચિમ તરફ જતા હરિયાણા, રાજસ્થાન, મધ્યપ્રદેશ, યુપી સહિતના વિસ્તારના મુખ્ય રૂટ પર આ ટ્રેન અકસ્માત સર્જાયો હતો.  मथुरा में मालगाड़ी के डिब्बे पटरी से उतरे.... #IndianRailways pic.twitter.com/Oed1wzBUe8 — Sumit Kumar (@skphotography68) September 18, 2024 15 ટ્રેનો પ્રભાવિત થઈ  મળતી માહિતી પ્રમાણે, ટ્રેનમાં કોલસો બધે ફેલાઈ ગયો છે. આ ઘટનાને લઈને લગભગ 15 ટ્રેનો પ્રભાવિત થઈ છે. જો કે, રેસ્ક્યુ ટી

Ahmedabad Rural DEO : અમદાવાદમાં સગીરો વાહનો ચલાવતા હોવાના અને તેના કારણે અકસ્માત સર્જાયા હોવાના કિસ્સાઓ વધ્યા છે. જેને લઈને અમદાવાદ ગ્રામ્ય DEO એક્શન મોડમાં આવ્યા છે અને સગીરો શાળામાં વાહન લઈને ન આવે તે માટેનો પરિપત્ર જાહેર કર્યો છે. જેની સૂચના શાળાઓને પણ કરી દેવાઈ છે. આ ઉપરાંત, આગામી દિવસમાં ટ્રાફિક-પોલીસ અને RTO, DEO સાથે મળીને ડ્રાઇવ પણ કરવામાં આવશે. જાહેર કરાયેલા પરિપત્ર વિરૂદ્ધ જો કોઈ બાળક વાહન સાથે પકડાશે, તો તેના માતા-પિતા સામે કાયદેસરની કાર્યવાહી કરવામાં આવશે.  અમદાવાદ ગ્રામ્ય DEOએ શું કહ્યું? અમદાવાદ ગ્રામ્ય DEO કૃપા ઝાએ કહ્યું કે, 'મોટર વ્હીકલ ઍક્ટ પ્રમાણે બાળકોને 125 સીસી કરતાં વધુના વાહનો ચલાવવાની મંજૂરી નથી. તેવામાં બાળકો પોતાને, શાળાને અને વાલીઓને મુશ્કેલીમાં મૂકીને વાહનો લઈને શાળાએ જતાં હોય છે. જેમાં શાળામાં વિદ્યાર્થી વાહન લઈને આવે તો આચાર્ય દ્વારા વાલીઓને જાણ કરવી પડશે. આગામી દિવસમાં થનારી ડ્રાઇવમાં જો કોઈ બાળક વાહન લઈને શાળાએ જશે તો તેની સામે કાર્યવાહી થશે.' આ પણ વાંચો :  BIG BREAKING : પેજર બાદ વોકી-ટોકીઝમાં વિસ્ફોટથી હડકંપ, લેબનાનમાં ફરી બની સીરિયલ બ્લ

Rajkot Ganesh Visarjan : આજે ગુજરાતભરના અનેક જિલ્લાઓ અને શહેરોમાં ગણપતિ બપ્પાની વિદાય કરવામાં આવી રહ્યા છે, ત્યારે રાજકોટમાં ગણેશ વિસર્જન વખતે ચાર યુવાનો ડૂબી ગયા હોવાની દુઃખદ ઘટના સામે આવી છે. આ ઘટનામાં એક યુવાનનું મોત નિપજ્યું છે, જ્યારે અન્ય એક યુવાન ગંભીર હોવાનું પણ સામે આવ્યું છે. એક પછી એક ચારેય યુવાનો પાણીમાં ગરકાવ થયા મળતા અહેવાલો મુજબ ચારેય યુવાનો ભાવનગર રોડ સ્થિત ત્રંબામાં ત્રિવેણી સંગમ ખાતે ત્રિવેણી ઘાટ પાસે ગણેશ વિસર્જન માટે ગયા હતા. આ દરમિયાન ચારેય યુવાનો એક બાદ એક પાણીમાં ગરકાવ થઈ ગયા હતા. આસપાસના લોકોએ ચારેય યુવાનોને બહાર કાઢ્યા હતા. જોકે તેમાંથી એક યુવાનનું મોત નિપજ્યું છે. મૃતક યુવાનનું નામ 18 વર્ષિય લક્કી મકવાણા હોવાનું તેમજ ચારેય યુવાનો રૂખડિયાપરા વિસ્તારના હોવાનું પણ સામે આવ્યું છે. આ પણ વાંચો : હિંમતનગરમાં ગણેશ વિસર્જન દરમિયાન સર્જાઈ જૂથ અથડામણ, હોર્ડિંગ પર લગાવેલા ઝંડાને લઈને થયો હતો વિવાદ એક યુવાનની હાલત સ્થિર અન્ય એક યુવાન રાહુલ રાઠોડની હાલ રાજકોટ સિવિલ હોસ્પિટલમાં સારવાર ચાલી રહી છે અને તેની સ્થિતિ ગંભીર હોવાનું કહેવાય છે. આ ઘટના અંગે પોલીસને જાણ કરવામાં

Swaminarayan Temple Vandalized in New York: વડાપ્રધાન મોદીના યુએસ પ્રવાસ પહેલા ન્યુયોર્કના BAPS સ્વામિનારાયણ મંદિરમાં તોડફોડ અને ભારત વિરોધી સૂત્રો લખવાનો મામલો સામે આવ્યો છે. મેલવિલેમાં સ્થિત મંદિરના રસ્તાઓ અને મંદિરની બહાર સાઈન બોર્ડને સ્પ્રે કરીને તેના પર અપશબ્દો લખવામાં આવ્યા છે.  મંદિર તોડફોડ બાબતે ભારતીય કોન્સ્યુલેટની આકરી નિંદા ન્યૂયોર્કમાં ભારતીય કોન્સ્યુલેટે મંદિરની તોડફોડની આકરી નિંદા કરી છે અને તેને ઘૃણાસ્પદ કૃત્ય ગણાવ્યું છે. આ સાથે ગુનેગારો સામે કાર્યવાહી કરવા માટે અમેરિકન સત્તાવાળાઓ સમક્ષ મામલો ઉઠાવવામાં આવ્યો છે. તેમજ BAPSએ શાંતિની અપીલ કરી છે.  આ પણ વાંચો: ભારતને રોકવા પાક. સાથે પરમાણુ કરાર જરૂરી : ઢાકા યુનિ.ના પ્રોફેસર 22 સપ્ટેમ્બરે વડાપ્રધાન મોદી અમેરિકાના પ્રવાસે લોંગ આઈલેન્ડ પર સફોક કાઉન્ટીમાં નાસો વેટરન મેમોરિયલ કોલિઝિયમથી લગભગ 28 કિલોમીટર દૂર મેલવિલે શહેર આવેલું છે. આ જ સ્થળે વડાપ્રધાન નરેન્દ્ર મોદી 22 સપ્ટેમ્બરે એક મોટા સમુદાયના કાર્યક્રમને સંબોધિત કરશે. પીએમ મોદી 21, 22 અને 23 સપ્ટેમ્બરે અમેરિકાના પ્રવાસે હશે.  There is too much hate! I am appall

એલજી સાથે આજે સાંજે મુલાકાત કરશે અરવિંદ કેજરીવાલે વન-ટુ-વન બેઠક યોજી, આજે આપ વિધાનસભા પક્ષની બેઠકમાં નવા સીએમ જાહેર થઈ શકે નવી દિલ્હી: દિલ્હીના સીએમ અરવિંદ કેજરીવાલે બે દિવસમાં રાજીનામુ આપવાની જાહેરાત કર્યા પછી સોમવારે સીએમ આવાસ પર બેઠક યોજાઈ હતી. અરવિંદ કેજરીવાલે આપ આગેવાનો અને મંત્રીઓ સાથે વ્યક્તિગત મળીને ચર્ચા કરી. આ બેઠક પૂરી થયા પછી દિલ્હીના મંત્રી અને આપના આગેવાન સૌરભ ભારદ્વાજે જણાવ્યું હતું કે સીએમએ જાહેરાત કરી હતી કે તે આવતીકાલે મંગળવારે રાજીનામુ આપી દેશે.  તેમણે આજે લેફ્ટનન્ટ ગવર્નર પાસે મળવાનો સમય માંગ્યો હતો અને હવે તેમને મંગળવાર સાંજનો સમય આપવામાં આવ્યો છે. તેથી તે એલજીને મંગળવારે સાંજે રાજીનામુ આપે તેવી સંભાવના છે. આ બધા વચ્ચે દિલ્હીના નવા સીએમ કોણ હશે તેને લઈને ચર્ચા દિલ્હીના રાજકીય વર્તુળોમાં છે.  આ ઘટનાક્રમને લઈને કેજરીવાલે રાજકીય મામલાની સમિતિને બોલાવી હતી. કેજરીવાલે નવા મુખ્યમંત્રીના વિષય પર ઉપલબ્ધ બધા રાજકીય આગેવાનો સાથે ચર્ચા કરી હતી. તેમની પાસેથી ફીડબેક લીધું છે. આજે આપના વિધાનસભા પક્ષની બેઠક થશે અને આ ચર્ચાને બીજા તબક્કામાં લઈ જશે.  આમ આદમી પાર્ટીએ જણાવ્યું

MEA slams Iran Supreme Leader's statement : ઈરાનના સુપ્રીમ લીડર આયાતુલ્લાહ અલી ખામેનેઈએ ભારત પર વિવાદિત નિવેદન આપ્યું હતું. જે બાદ ભારતે પણ ઈરાનને જડબાતોડ જવાબ આપ્યો છે કે બીજા દેશો પર ટીકા ટિપ્પણી કરતાં પહેલા પોતાનું ઘર સંભાળો.  શું કહ્યું હતું ખામેનેઈએ?  ઈરાનના સુપ્રીમ લીડર આયાતુલ્લાહ અલી ખામેનેઈએ ભારતને મુસ્લિમ અધિકારોનું ઉલ્લંઘન કરતાં દેશોની યાદીમાં સામેલ કર્યો હતો. ભારતની સરખામણી મ્યાનમાર અને ગાઝા સાથે કરી. ખામેનેઈએ સોશિયલ મીડિયા પોસ્ટ કરીને દુનિયાભરના મુસ્લિમોને એક થવા આગ્રહ કર્યો હતો.  The enemies of Islam have always tried to make us indifferent with regard to our shared identity as an Islamic Ummah. We cannot consider ourselves to be Muslims if we are oblivious to the suffering that a Muslim is enduring in #Myanmar , #Gaza , #India , or any other place. — Khamenei.ir (@khamenei_ir) September 16, 2024 ભારતે આપ્યો જડબાતોડ જવાબ  હવે આ મુદ્દે ભારતે પણ જવાબ આપ્યો છે. વિદેશ મંત્રાલયના પ્રવક્તા રણધીર જયસ્વાલે ભારતનું નિવેદન જાહેર કર્યું છે. ભારતે કહ્યું છે, કે 'અમ

Image Envato Survey on Gen Z youth : ભારતીય યુવાનોમાં નોકરી પ્રત્યે નવી વિચારસરણી જોવા મળી રહી છે. તાજેતરમાં થયેલા એક સર્વે પ્રમાણે 47 ટકા જનરલ ઝેડ યુવાનો બે વર્ષ પછી નોકરી છોડી દે છે, જ્યારે એટલી સંખ્યા (46 ટકા) તેમની નોકરી કરતાં વર્ક-લાઇફ બેલેન્સને પ્રાથમિકતા આપે છે. 'જેન ઝેડ એટ વર્કપ્લેસ' નામનો આ રિપોર્ટ 5350 થી વધુ જનરેશન Z અને 500 એચઆર પ્રોફેશનલ્સના યુવાનોનો સર્વે તૈયાર કરવામાં આવ્યો છે. આ રિપોર્ટ જનરેશન Zના અલગ-અસદ પાસાઓના ઊંડાણપૂર્વક અભ્યાસ કરીને તૈયાર કરવામાં આવ્યો છે. જેમ કે જનરલ Z યુવાનોની નોકરી બદલવાના કારણો, જોબ માર્કેટમાં એટ્રી સમયે તેમની સૌથી મોટી ચિંતા, માનસિક સ્વાસ્થ્ય અંગેની તેમની અપેક્ષાઓ અને કાર્ય પદ્ધતિ અંગેની ચિંતાઓ પર ઊંડાઈ પૂર્વક અભ્યાસ કરવામાં આવ્યો છે.  51% યુવાનોને નોકરી ગુમાવવાનો ડર એક બાજુ 46 ટકા જનરેશન Z યુવાનો બે વર્ષમાં નોકરી છોડવા તૈયાર છે, તો બીજી બાજુ 51 ટકા યુવાનોને નોકરી ગુમાવવાનો ડર સતાવી રહ્યો છે. આ ચિંતા તેમના કરિયર પર અસર કરે છે. કારણ કે 40 ટકા યુવાનો નોકરી મેળવ્યા પછી તેમના પસંદગીના ક્ષેત્રમાં પોસ્ટ જાળવી રાખવા માટે ચિંતામ

Stone Pelting Incident in Rajasthan : રાજસ્થાનના શાહપુરા જિલ્લાના જહાઝપુર શહેરમાં જલઝુલાની એકાદશી પર એક યાત્રા પર પથ્થરમારો થતાં વાતાવરણ ગરમાયું હતું. અચાનક થયેલા પથ્થરમારાના કારણે નાસભાગ મચી જતા બજાર બંધ થયું હતું. તેવામાં યાત્રા પણ રોકી દેવામાં આવી હતી. બીજી તરફ, મોટી સંખ્યામાં એકઠા થયેલા ટોળાએ પથ્થરમારો કરનારા અન્ય સમુદાયના લોકોની ધરપકડની માંગને લઈને હોબાળો મચાવ્યો હતો. ઘટનાસ્થળે ભાજપના ધારાસભ્યો પહોંચ્યા ઘટનાસ્થળે ભાજપના ધારાસભ્યો પહોંચી ગયા હતા. આ દરમિયાન જ્યાં સુધી આરોપીઓની ધરપકડ ન થાય ત્યાં સુધી યાત્રા ન કાઢવા જણાવ્યું હતું. ઘટનાને લઈને નાયબ પોલીસ અધિક્ષકે જણાવ્યું કે, 'શહેરમાં પોલીસ દળ તૈનાત કરવામાં આવ્યું છે. શહેરમાં હાલ શાંતિ છે. પથ્થરમારો કરનારાઓની શોધખોળ ચાલી રહી છે.' લગભગ 20-25 મિનિટ સુધી પથ્થરમારો ચાલુ રહ્યો પ્રાથમિક તપાસમાં જાણવા મળ્યું છે કે, જેવી યાત્રા બજારમાં પહોંચી ત્યારે કેટલાક લોકોએ બૂમો પાડી કે તેને રોકો અને પછી પથ્થરમારો કરવામાં આવ્યો હતો. જેમાં લગભગ 20-25 મિનિટ સુધી પથ્થરમારો ચાલુ રહેતા ઘણા લોકો ઈજાગ્રસ્ત થયા હતા. આ પણ વાંચો :  VIDEO | મોટી દુ

Central Government New Guidelines : હવે શાળા, કૉલેજ કે યુનિવર્સિટીના વિદ્યાર્થીઓને તમાકુની કોઈપણ પ્રકારની વસ્તુનો ઉપયોગ કરવો ભારે પડી શકે છે. જો તેઓ તેનો ઉપયોગ કરતાં પકડાશે તો તેમની વિરુદ્ધ શિસ્તબદ્ધની કાર્યવાહી કરવામાં આવી શકે છે. એટલું જ નહીં તેમને દંડ પણ ફટકારવામાં આવી શકે છે. આ માટે કેન્દ્ર સરકારે દેશની તામ શાળા, કૉલેજ અને યુનિવર્સિટી માટે નવી ગાઇડલાઇન જાહેર કરી છે. આ મુજબ તમામ વર્ગમાં તમાકુ મોનીટરને તહેનાત કરવામાં આવશે અને તે મોનીટર વર્ગમાં અભ્યાસ કરતાં છાત્રમાંથી જ કોઈ હશે. શાળામાં તમાકુ મોનીટરની નિમણૂક કરાશે ગાઇડલાઇન મુજબ, ધોરણ-9 બાદના વર્ગોમાં તમાકુ મોનીટરની નિમણૂક કરવામાં આવશે. આ દરમિયાન મોનીટરે વર્ગમાં તમાકુનો ઉપયોગ કરનારા વિદ્યાર્થીઓ પર નજર રાખવાની રહેશે. અને જે વિદ્યાર્થી પકડાશે તેની માહિતી મોનીટરે શાળા અથવા સંસ્થાના સંચાલકને આપવાની રહેશે. ત્યારબાદ તેની સામે કાર્યવાહી કરવામાં આવશે. આ પણ વાંચો : પૂર કે દુષ્કાળ જેવી આફતથી મળશે છુટકારો, વરસાદને કરાશે કન્ટ્રોલ, ભારતીય વિજ્ઞાનીઓનો મોટો પ્લાન શૈક્ષણિક સંસ્થાની આસપાસ તમાકુના વેચાણ પર પ્રતિબંધ યુવાનોમાં તમાકુના વધતાં જતા વ્ય

Eight youths Died During Ganesha Immersion In Dehgam, Gandhinagar :  ગાંધીનગર જિલ્લાના દહેગામ ખાતે આવેલી મેશ્વો નદીમાં ગણેશ વિસર્જન વખતે મોટી દુર્ઘટનાથી હાહાકાર મચી ગયો છે. આજુબાજુના ગામના જ લગભગ 8 યુવાઓના મોતથી માતમ પ્રસરી ગયું છે. ઉલ્લેખનીય છે કે ગાંધીનગર જિલ્લાના દહેગામમાં વાસણા સોગઠી ગામે વહેતી મેશ્વો નદીમાં 10 લોકો ડૂબી જતાં 8ના મૃતદેહો મળ્યા હતા. જ્યારે બેની શોધખોળ હજુ ચાલુ છે.  આ પણ વાંચો :  ગાંધીનગરમાં ગણેશ વિસર્જન વખતે 8ના મોત, ઘટનામાં મોટો ખુલાસો, જાણો કેવી રીતે સર્જાઈ ઘટના નીચે મુજબના મૃતકોના નામ સામે આવ્યા 1. સોલંકી વિજયજી હાલુસિંહ (30 વર્ષ) વાધાવત, તા- કપડવંજ, જિલ્લો- ખેડા 2. ચૌહાણ ચિરાગકુમાર પ્રકાશસિંહ (19 વર્ષ) વાસણા, સોગઠી 3. ચૌહાણ ધર્મેન્દ્રસિંહ દલપતસિંહ (18 વર્ષ)  વાસણા, સોગઠી 4. ચૌહાણ મુન્નાભાઈ દિલિપસિંહ (23 વર્ષ) વાસણા, સોગઠી 5. ચૌહાણ રાજુકુમાર બચુસિંહ (28 વર્ષ) વાસણા, સોગઠી 6. ચૌહાણ પૃથ્વી દલપતસિંહ (20 વર્ષ) વાસણા, સોગઠી 7. ચૌહાણ યુવરાજસિંહ પ્રવિણસિંહ (17 વર્ષ) વાસણા, સોગઠી 8. ચૌહાણ સિદ્ધરાજ ભલસિંહ (17 વર્ષ) વાસણા, સોગઠી ઘટના વિશે તંત્રએ શું કહ્યું