માથે ફાઈટર પ્લેનનો ખડકલો અને ઈરાન તરફ ઈશારો... ટ્રમ્પના નવા 'ફોટો વૉર' થી ટેન્શન વધ્યું

Donald Trump : અમેરિકા અને ઈરાન વચ્ચે પરમાણુ કે અન્ય કોઈ સમજૂતીની ડીલ ફાઇનલ ન થતાં બંને દેશો વચ્ચે ફરીથી યુદ્ધ શરૂ થવાની આશંકાઓ પ્રબળ બની છે. આ દરમિયાન અમેરિકન પ્રમુખ ડોનાલ્ડ ટ્રમ્પે પોતાના સોશિયલ મીડિયા એકાઉન્ટ પર એક રહસ્યમય પોસ્ટ શેર કરી છે, જેનાથી બંને દેશો વચ્ચે વાકયુદ્ધ અને તણાવ ચરમસીમાએ પહોંચી ગયો છે. ટ્રમ્પ દ્વારા શેર કરાયેલી આ પોસ્ટમાં એક એઆઈ (AI) જનરેટેડ ઇમેજનો ઉપયોગ કરવામાં આવ્યો છે. આ તસવીરની ઉપર લખ્યું છે, 'તમે મૂંઝવણમાં પડી રહ્યા છો'.