પાકિસ્તાનમાં આતંકી હુમલો, પોલીસ સ્ટેશનને બોંબથી ઉડાવ્યું, 3ના મોત, ઘણા ઈજાગ્રસ્ત, ઈમારત ધરાશાઈ
ઈસ્લામાબાદ, તા.24 એપ્રિલ-2023, સોમવાર
પાકિસ્તાનમાં આતંકવાદી હુમલાની ગંભીર ઘટના સામે આવી છે. આ હુમલામાં આતંકવાદીએ પોલીસ સ્ટેશનમાં ઘુસીને પોતાની જાતને ઉડાવી દીધો હતો. જેમાં ત્રણ લોકોના મોત થયા છે, જ્યારે ઘણા લોકો ઈજાગ્રસ્ત થયા હોવાના અહેવાલો મળી રહ્યા છે. ઉપરાંત આ બ્લાસ્ટમાં ઈમારત પણ ધરાશાઈ થઈ છે.
પોલીસે જણાવ્યું કે, ઉત્તર પશ્ચિમ પાકિસ્તાનમાં સોમવારે એક આતંકવાદી પોલીસ સ્ટેશનની અંદર ઘૂસ્યો હતો અને તેણે પોતાની જાતને ઉડાવી દીધો હતો. આ વિસ્ફોટમાં ત્રણ લોકોના મૃત્યુ થયા છે. આ ઘટનામાં ઈમારત પણ ધરાશાઈ થઈ છે.
જિલ્લાના પોલીસ અધિકારી અતાઉલ્લા ખાને જણાવ્યું કે, સ્વાતના કબાલ શહેરમાં સીટીડી (કાઉન્ટર-ટેરરિઝમ ડિપાર્ટમેન્ટ) પોલીસ સ્ટેશનની અંદર બોમ્બ વિસ્ફોટ થતાં ઓછામાં ઓછા 3 લોકો માર્યા ગયા હતા.
હાલ પોલીસની ટીમ ઘટના સ્થળે પહોંચી ગઈ છે અને આગળની કાર્યવાહી હાથ ધરવામાં આવી છે.
Comments
Post a Comment