રાજસ્થાનના પોખરણમાં સૈન્ય અભ્યાસ દરમિયાન ૩ મિસાઈલો મિસફાયર થઈ, 2નો કાટમાળ મળ્યો, 1 ગુમ

image : Twitter

રાજસ્થાનના જેસલમેરમાં સૈન્યના પોખરણ ફિલ્ડ ફાયરિંગ રેન્જમાં મિસાઈલ મિસફાયર થયાનો મામલો સામે આવ્યો છે. માહિતી અનુસાર શુક્રવારે સૈન્ય અભ્યાસ દરમિયાન ત્રણ મિસાઈલો મિસફાયર થઈ હતી. જોકે આ ઘટનામાં કોઈપણ પ્રકારની જાનહાનિના નુકસાનના અહેવાલ મળ્યા નથી. 

Report: A Missile was misfired during firing exercise at Pokhran Field Firing Range. No loss of life or property. Misisle detonated safely in flight however debris fell into the adjoining fields. More detail awaited.#Pokhran #Jaisalmer

— DefenceXP (@Defence_XP) March 24, 2023

ડિફેન્સ પ્રવક્તાએ આપી માહિતી 

મિસફાયર થયેલી મિસાઈલોમાંથી બેનો કાટમાળ મળી આવ્યો છે પણ એક મિસાઈલ હજુ ગુમ છે. ડિફેન્સ પ્રવક્તા અમિતાભ શર્માએ આ ઘટનાની પુષ્ટી કરી હતી. તેમણે કહ્યું કે પીએફએફઆરમાં વાર્ષિક ફીલ્ડ ફાયરિંગ કરતા એક યૂનિટ દ્વારા મિસાઈલ મિસફાયર થવાની માહિતી મળી હતી. 

મિસાઈલો હવામાં જ સુરક્ષિત રીતે નષ્ટ થઈ 

જોકે મિસાઈલ આકાશમાં જ સુરક્ષિત રીતે નષ્ટ થઈ ગઈ અને કાટમાળ આજુબાજુના ખેતરોમાં પડ્યો. આ ઘટનામાં કોઈપણ જવાન અને સંપત્તિને નુકસાન થયું નથી. આ મામલે તપાસ પણ હાથ ધરવામાં આવી છે.