મિનરલ વૉટર અને પેકેજ્ડ ડ્રિંક્સ સ્વાસ્થ્ય માટે ખતરનાક: સરકારે હાઇરિસ્ક કેટેગરીમાં મૂક્યા

FSSAI On Mineral Water-Packaged Drinks : આપણે ટ્રેન, બસ કે કોઈ જગ્યાએ મુસાફરી દરમિયાન મિનરલ વૉટર અને પેકેજ્ડ ડ્રિંક્સ ખરીદીએ છીએ, જે આપણા સ્વાસ્થ્ય માટે ખુબજ હાનિકારક સાબિત થઈ શકે છે. કેન્દ્ર સરકારના ફૂડ સેફ્ટી એન્ડ સ્ટાન્ડર્ડ ઓથોરિટી (FSSAI)એ આજે સોમવારે મોટો નિર્ણય લીધો છે. જેમાં સ્વાસ્થ્ય માટે ખતરનાક મિનરલ વૉટર અને પેકેજ્ડ ડ્રિંક્સને સરકારે હાઇરિસ્ક ખાદ્ય પદાર્થની કેટેગરીમાં સમાવેશ કર્યો છે. હવે તેમનું ફરજિયાત નિરીક્ષણ અને થર્ડ પાર્ટી ઓડિટ કરવામાં આવશે. કેન્દ્ર સરકારે પેકેજ્ડ અને મિનરલ વૉટર ઉદ્યોગ માટે બ્યુરો ઓફ ઈન્ડિયન સ્ટાન્ડર્ડ્સ પાસેથી પ્રમાણપત્ર મેળવવાની ફરજિયાત શરત દૂર કર્યા પછી આ જાહેરાત કરવામાં આવી છે.