લદ્દાખ : લેહમાં ભારતીય સેનાનું વાહન ખીણમાં ખાબક્યું, 9 સૈનિકો શહીદ

લદ્દાખ, તા.19 ઓગસ્ટ-2023, શનિવાર

લદ્દાખમાં લેહ પાસે સેનાનું એક ટ્રક દુર્ઘટનાગ્રસ્ત થયું છે. આ ટ્રકમાં 2 જુનિયર કમિશન ઓફિસર અને 7 જવાનો સવાર હતા, આ તમામ શહિદ થયા છે. આ ઘટના ક્યારી ગામ પાસે બની છે. સેના સાથે જોડાયેલા સૂત્રોના જણાવ્યા અનુસાર સેનાના ટ્રકની સાથે એક એમ્બ્યુલન્સ અને યૂએસવી પણ હતી. આ તમામ વાહનોમાં કુલ 34 સેનાના જવાનો હતા. સાંજે 6.00 વાગ્યાની આસપાસ ટ્રક ખીણમાં ખાબકી છે. લદ્દામાં એક સંરક્ષણ અધિકારીએ જણાવ્યું કે, ક્યારા શહેરથી 7 કિલોમીટર દુર આ દુર્ઘટના બની છે. જવાનો કારુ ગૈરીસનથી લેહ પાસે ક્યારી તરફ જઈ રહ્યા હતા.

અધિકારીઓએ જણાવ્યું કે, ક્યારી ગામથી 7 કિલોમીટર પહેલા સેનાની ગાડી દુર્ઘટનાનો શિકાર બની ખીણમાં પડી ગઈ છે. ઘટનામાં ઘટનામાં 7 જવાન અને 2 જુનિયર કમિશન ઓફિસર શહીદ છે. સેનાની પેટ્રોલિંગ ટીમ કારુથી ક્યારી ગામ તરફ જઈ રહી હતી, ત્યારે આ ઘટના બની. અધિકારીઓએ જણાવ્યું કે, હાલ ઘટનાસ્થળ પર રેસ્ક્યુ ઓપરેશન જારી છે.